春夏秋冬火鍋

營業中

休息中

春夏秋冬火煱都以火鍋料新鮮出名，所以叫左醉雞煱都無影到相。而家普通打邊爐都已經滿足唔到有要求嘅我地，今次試下係度食下刺身先！刺身鱆紅魚 $468起椒鹽埋就加$40，1魚兩食。就要呢個啦。鱆紅魚sashimi黎喇，超有份量感。鱆紅魚片望落色澤鮮明通透，魚油充足，片片厚度均勻！咬落去，魚肉肉質彈牙，有魚嘅鮮味。之後，侍應哥哥就拎左超超超大碟嘅鱆紅魚椒鹽骨腩上枱。熱辣辣，勁香炸蒜味。魚咬落充滿魚油香，沾少少喼汁去除炸魚腩嘅油膩感。刺身同椒鹽骨腩都不可怠慢，影響食物最好味嘅時刻，個口頓時變到好忙好忙，但非常飽足。