Cucina

supplier 請公司同事食飯，咁我掹車邊有份去試下依間好評酒店餐廳。平日lunch真係好少人，不過聽supplier 講海景位都係要2星期前訂位。由於同supplier 食飯，我都唔敢影相cucina個sea view 真係幾無敵，夜景應該仲正，不過野食先係重點。個semi buffet 個質數幾好，有蠔有海鮮有cheese有ham有salad。蠔得一種，來自澳洲既，海水味重，夠新鮮。滴兩滴辣椒仔味道岩岩好。唯一衰在好細隻。海鮮有蟹腳青口翡翠螺同海蝦，全部都好鮮甜。到主菜，manu有4款選擇。我簡左茴香煎驢魚，黎到見到唔係好大碟，不過唔緊要，剩係食buffet part 已經半飽。個魚煎得幾香，不過無sause 真係差d,因為魚本身味道唔夠，茴香味都唔夠。最後食甜品，不過不失，都有十幾款簡。食左tiramisu 同奶油酥，味道合乎酒店quality總括黎講，cucina 既semi-buffet雖然款唔算多，不過重質不重量，buffet side 絕對比得上其他5星酒店buffet。睇反價錢唔算貴，性價比高。但係個main course (可能係我選擇錯誤) 我覺得有進步空間。