漁場台風

營業中

休息中

今次嗌咗$83魚介沾麵 +$10 一百克麵底，醬油多（簡稱重口味）嘅湯底。依間出名份量比一般嘅拉麵店多，而出到嚟嘅份量目測之下好似真喺比出面多（以每次我都加底嚟計）。麵比平時食開嘅粗啲，彈牙啲，鍾意食粗麵嘅人應該會享受，麵底本身唔喺白灼，有調味有油色澤。半份溏心蛋中規中矩，有正常發揮，但紫紙約莫得半塊且好薄，咬落口感就差啲。其他配料喺湯度，一如以往食客所講，好似梅到溶咗落湯，唔喺好睇到，而且依度唔喺豚肉片、叉燒片，喺有啲脂肪嘅豬肉粒，好唔好味就見仁見智，個人還可以接受。湯方面味道好，魚介味濃而柔滑，麵一放落去就已掛湯，味道濃郁，因為我嗌多醬油，所以賣相色澤好深，更濃更鹹啲，鍾意重口味嘅人可以一試。