嘉豐茶餐廳

營業中

休息中

屋企附近的嘉豐茶餐廳，經過多次都冇乜幫襯意欲，直至近期遇見一位住了慈雲山多年的老相識，話此店既豬扒幾耍家，便決定一試。午飯時段來到，都幾多人，見是日快餐餐牌剛好有咖哩豬扒飯，啱晒。豬扒果然有料到，醃得挺入味（應有下香茅同咖喱粉），最欣賞其肉質，軟熟得來又唔似加左鬆肉粉，配搭港式咖哩飯，令其肉味發揮不俗。至於咖哩本身屬一般茶記港式咖哩味道，不會辣，普普通通啦。看菜牌呢間店果然是力Sale豬扒，又有豬扒公仔麵及豬扒包供應，看來下午茶時來到倒可一試。