同平時一樣，兩個人開餐叫咗個沙律，主菜同甜品。
嫩雞胸乾茄無花果北非小米甜菜葉沙律配自製油醋汁（$158) - 超大塊雞，份量好似同主菜一樣，而想多食菜的朋友就有少少失望。不過個雞都算嫩口，油醋汁帶出酸酸開胃的味道。
海膽黑魚子醬蟹肉貓耳朵粉（$188) - 每一塊的貓耳朵粉都能沾滿海膽醬，味道香濃。而貓耳朵粉比較彈牙，係al dente 的感覺。
烤 10安士澳洲M4安格斯西冷配燒新薯及烤美國蘆筍（$288) - 個牛超大塊仲好有厚道，一切開就見到我地要的五成熟。牛味濃，一食就知係澳洲牛。
覆盆子奶油霜配糖漬草莓及蛋白脆餅（$98) - 呢個成晚的亮點❤️最初以為佢係一大塊蛋白餅再加士多啤利果醬同少少水果，會好甜。原來佢係果醬同忌廉入面係一大個雪糕球同脆脆蛋白餅。味道酸酸甜甜，仲有多重口感。大愛❤️❤️
