銀杏時光

營業中

休息中

鰂魚涌呢頭餐廳食lunch都試得七七八八，最近發現基利路呢度有幾間食肆，包括呢間鼓勵長者就業嘅餐廳，一於入去支持下試下啲嘢食。Menu午餐選擇都幾多，比起出面普通嘅茶餐廳有更多特別嘅選擇；而且無論叫咩主食都有得享用Salad bar，有自助餐形式嘅沙律、中湯，仲有幾款凍熱飲品，比我想像中豐富。自助沙律吧 ★★★★✰蘿蔔牛筋腩煎米粉 ($88) ★★★★✰用QR code落單後唔係等咗好耐就有一位長者侍應端啲食物過嚟，非常細心。呢個煎米粉幾有特色，本身蘿蔔牛筋腩就好適合餸飯，今次用嚟餸米粉都唔錯。雖然有啲蘿蔔有渣，但牛腩普遍都熬得腍，汁醬做得唔錯，唔算太鹹撈埋啲米粉食啱啱好。吹水醬海鮮粒炒飯 ($98) ★★★★✰唔知吹水醬係咩，應該有加類似XO醬，碟炒飯比我想像中辣，但真係好惹味同好有鑊氣；而且份量都好大，蝦粒、帶子粒、魷/墨魚等海鮮唔係淨係得兩三粒，而係啖啖都食到，可以話有出面酒樓質素。整體而言，呢度嘅lunch set價錢合理(連加一約$100/pp連自助沙律吧)，中菜嚟講幾有新鮮感，而且係幫助長者嘅社企，值得支持。