紅葉冰室

營業中

休息中

傳說中嘅港式茶餐廳同冰室都係啲「佬」最喜愛嘅選擇，但凡事都有例外！以粉紅色為主題，位於北角嘅紅葉冰室，係一間迎合少女心嘅冰室，絕對係不「佬」的傳說！喺餐廳食完飯打完卡，仲可以去埋附近嘅東岸公園同油街實現打卡添。蒲燒鰻魚滑蛋飯呢個蒲燒鰻魚滑蛋飯用上日本鰻魚做主角，以鮮奶滑蛋作為陪襯。呢個日本鰻魚絕對係真材實料值回票價，魚肉質地遠勝平價鰻魚，唔會有梅嘅感覺，而且索晒燒汁嗰種甜味。而鮮奶滑蛋非常香滑，送飯絕對一流！蔥油肉眼牛扒太陽蛋飯話明係港式嘅冰室，就梗係要有港式元素啦！蔥油系列喺茶餐廳同冰室非常常見，但紅葉冰室就將葱油配上肉眼牛扒，得唔得㗎？薄切嘅肉眼牛扒充滿肉味，而且薄切嘅牛扒亦唔韌，但如虎添翼嘅當然係蔥油啦！蔥油非常惹味，充滿葱嘅香味，估唔到同肉眼牛扒都可以咁合拍，相當驚喜。