周記點心

營業中

休息中

為咗西多士而黎但係冇食到西多士。雖然服務態度麻麻但係食物質素都可以。馳名芝麻蝦多士全場最 好食肯定係佢，外面塊包超級香脆，入面啲蝦膠好彈牙好足料，點埋沙律醬世一。鴛鴦燒賣有黑色一點嘅應該係黑松露，唔肯定因為食唔出有黑松露味，反而隔離有蟹子嘅更加好食，兩款肉質都唔會實的的，好彈牙。XO醬炒腸粉喺腸粉同蘿蔔糕之間掙扎咗好耐。微辣，唔夠香好似冇炒過咁，點辣油好啲。蝦餃唔太好食，入面啲蝦有啲似死咗好耐。奶黃流沙包雖然佢好難得係真係會流，但係佢個包皮好實唔係鬆軟，而且好細粒，有啲似自己喺屋企整但係整衰咗，流沙餡中間唔知有講乜嘢，冇食到。