Brew Dog Coffee Co.

營業中

休息中

最近喺新蒲崗附近返工，所以收咗工想放鬆吓，就再次嚟咗呢間感覺超舒適嘅Cafe享受一下me time。今日店員仲要安排咗我坐對住窗嘅嗰個位置，照住陽光放鬆感覺特別唔同，而且因為係角落，所以感覺自成一角。蟹膏濃蝦汁虎蝦蟹肉意粉 $148再次encore咗呢一個蟹肉意粉，因為覺得佢意粉嘅麵質真係好特別，好似白幡咁樣嘅形狀，但係咬落就更加有咬口。而醬汁都加入咗好多嘅蟹膏同埋蟹肉，配合埋濃厚嘅蝦汁，每一啖都好似食緊一隻蝦咁。開心果咖啡latte $48最近大熱開心果，我當然要再次叫多一叫呢一杯開心果咖啡latte，因為層次真係好豐富，仲要有開心果碎，而且超濃厚開心果味，每一啖都感受到咖啡嘅香氣同開心果Creamy嘅感覺。