永發茶餐廳

營業中

休息中

早排出開油麻地做嘢，下午時段有啲肚餓，所以就去咗附近食個下午茶，搵咗食評發現附近有間幾多人讚好嘅舊式茶餐廳，就諗住去試吓。去到發現啲裝修真係比較舊式，不過因為唔係正餐時間所以都可以即刻搵到位。唔知點解今日唔想食常餐，可能因為朝頭早已經食咗類似嘅嘢，所以就揀呢度比較出名嘅湯飯，點知冇出名嘅鴨腿湯飯，於是選了另一個健康嘅翠玉瓜雜會湯飯。湯飯嚟到之後熱辣辣，我等左兩分鐘先至食得入口，啲翠玉瓜都算鮮甜爽口，但係啲雜會就真係唔得，個蟹柳似係嗰啲大陸貨，認真令人唔開胃。講真，我真係有啲後悔冇叫個常餐，唯有下次來再試過啦。