eaaat. (V City)

營業中

休息中

假日三點幾下午茶時段來到V City，竟然四周餐廳都大排長龍，最後選擇唔駛點等的 eaaat。餐廳環境唔錯，整體以白色調裝潢感覺高雅，環境光鮮整潔。下午茶提供有八款選擇，亦有午餐及單點選擇。我地揀了兩款下午茶價錢一般，分別係:海鮮大阪燒餅 $58燒餅一般水準不能與居酒屋相比，海鮮涵料唔多，粉槳糊度適中，沙律菜及紫菜碎鋪面，味道主要來自沙律醬汁令整體美味。檸檬牛油單骨雞翼配花膠酸辣湯 $58四隻單骨雞翼份量唔多，男仔食未必夠，雞翼外皮香脆肉質嫩有肉汁，淋左檬汁蜜糖，甜甜地味道唔錯。貼心嘅單骨雞翼，啱晒我依D唔想用手食嘅朋友啦～ 酸辣湯好有碗仔翅嘅感覺，湯料有冬菇絲、荀、雞蛋絲、大大塊嘅花膠，酸酸辣辣幾開胃。餐飲點了凍港色奶茶及凍檸檬茶，正正常常。整體環境整潔，適合同朋友假日嘆下午茶閒聊一下。