金記冰室 (創紀之城五期(apm)) (已結業)

#小秘書 自從大概三四個月前喺黃大仙中心「金記冰室」試過佢哋嘅 #鮮茄焗豬扒飯 🍅 一直念念不忘❤️ 可惜往後幾次再幫襯，水準已經不再😌Boxing day買咗飛喺apm睇戲，正嚟得切食埋個下午茶先入場，而我哋咁啱就連早餐、lunch都未食😅 我又可以承機再試多一次「金記馳名鮮茄焗豬扒飯」喇🥳 大概等咗十分鐘，焗飯做起，飯底用蛋漿炒過，飯粒好香好乾身🍚 不過個鮮茄漿汁就硬係爭咁啲，無咗「飯」跟「漿汁」跟「豬排」融合一起嘅感覺😅 或者大家會話我厭尖... 不過我點都唔會浪費，食哂成碟飯先走嘅🤣 餐廳地方實在太迫又有啲焗，所以食飽好快就埋單lu。