西樹泡芙 (粉嶺站)

營業中

休息中

屋企人好鍾意食西樹泡芙，今日去買黎做下午茶。西樹泡芙口味配搭多元化，以家除左多款不同味道的泡芙之外，另外仲有特濃朱古力撻，開心果芝士撻、抹茶煙囱卷、原味煙囱卷、雜莓乳酪杯等等，款款都非常吸引。今次一次過買左3款味道。日式抹茶牛奶布甸底層泡芙外脆內軟，入面既抹茶 Cream 好滑，勁濃抹茶味，而上面既牛奶布甸口感滑嘟嘟，每一口的抹茶風味都非常香濃醇厚。朱古力三重奏外皮酥脆，有滿滿滑溜溜的朱古力Cream ，朱古力味道非常濃郁，三重朱古力味覺享受，好邪惡。金莎榛子牛奶布甸輕滑的金莎榛子內餡帶岀陣陣榛子味道，再加上牛奶布甸，口感更豐富。