hōmu by favilla (已結業)

啱啱去完荃灣中心行街，到下午茶嘅時間就搵咗間餐廳同朋友一齊去坐低休息一下🥳一去到之後好快就有位置，而且店員都十分親切咁同我哋介紹一下有啲乜嘢好食😋我哋首先叫咗個有湯嘅烏冬，感覺得出湯底用咗唔少嘅心機去烹調，而且有豐富嘅配菜👍🏻再配上超級甜嘅粟米，成個烏冬好友日本嘅氣息🤫我哋聽咗店員嘅介紹，叫咗一個小食拼盤share，入邊包括有吉列炸蝦、吉列生蠔、明太子雞翼🥳每一樣都炸得十分美味，而且感覺到炸粉唔會特別厚，而且每一樣嘅肉質都十分豐富😏仲有一個以海鮮為主嘅扁意粉-蝦頭油忌廉汁蜆肉扁意粉🍝蝦頭入邊嘅蝦膏十分豐富，鍾意食蝦嘅絕對要試一試👍🏻而且海鮮烹調方法非常好，完全唔會感覺到有海鮮嘅腥味。