一樂小鍋 (已結業)

其實好少踏足石門呢邊，搵朋友，一齊去食個下午茶。當時大約2:30pm去到，已經有下午茶餐啦。朋友叫左下午茶餐既芝士豬頸肉撈丁($39)可以免費飲紅豆冰👍🏻不過最慘係等左45分鐘先有得食，等到頸都長。撈丁用煎pan上，面頭淋上熱溶左既芝士，豬頸肉都幾大塊，上面好多粟米。以下午茶餐黎講，都幾抵食又飽肚😋我自己就食車仔麵，揀左幼麵三餸，墨魚丸、豬頸肉、溏心蛋。墨魚丸就係普通墨魚丸😂豬頸肉幾好，切左花，夠淋又入味啲👍🏻比較有驚喜係溏心蛋，真係做到半流心效果，幾好~