影片
更多
2022-09-18
191 瀏覽
平時食韓國炸雞🍗都閒閒地$200一個，但係其實Kaka 都好鍾意食韓國嘢同埋炸雞! 同埋好掛住韓國🇰🇷！平日帶個女去觀塘行吓街，行到肚餓就搵吓有咩好嘢食，喺APM隔離嘅亞太中心，有間韓國🇰🇷過江龍🍗炸雞，原來佢哋平日下午茶都有做緊下午茶套餐，最平$48就食到！估唔到選擇勁多，有無骨炸雞🍗、年糕、炒飯、年糕、拉麵🍜，仲有黑松露🍟薯條，每個套餐都包咗飲品！仲可以加錢要Soda & 奶昔🥤！香辣🍗脆雞 （$65）配罐裝飲品即係甜辣炸雞，呢個價錢食到韓式炸雞真係抵食到爆！嚟到見到份量都好多喎！目測都有十幾舊，雞肉全部都冇骨，外皮熱辣辣好香脆，配埋黐立立的甜辣汁，食落真係好惹味😋，食極都仲想食真係好邪惡呀‼️不過就冇比酸蘿蔔我哋，唔知係唔係比漏咗，如果食完食返啲酸蘿蔔中和下油膩咁就Perfect！金沙雞肉櫻花蝦炒飯 （$65）配罐裝飲品嚟到見到放喺飯上面炸咗嘅洋蔥圈真係好吸引，有好多櫻花蝦 & 雞肉，不過炒飯有點太乾，味道唔係想像中咁好味，而且唔係好食到鹹蛋黃嘅味道、但起碼食完唔會全個碟底都係油，不過最奇怪竟然係個洋蔥圈，外皮唔燶但係裏面洋蔥炸到燶咗仲好苦，基本上個幾個洋蔥圈可以放棄，其實係咪
平時食韓國炸雞🍗都閒閒地$200一個，但係其實Kaka 都好鍾意食韓國嘢同埋炸雞! 同埋好掛住韓國🇰🇷！平日帶個女去觀塘行吓街，行到肚餓就搵吓有咩好嘢食，喺APM隔離嘅亞太中心，有間韓國🇰🇷過江龍🍗炸雞，原來佢哋平日下午茶都有做緊下午茶套餐，最平$48就食到！估唔到選擇勁多，有無骨炸雞🍗、年糕、炒飯、年糕、拉麵🍜，仲有黑松露🍟薯條，每個套餐都包咗飲品！仲可以加錢要Soda & 奶昔🥤！
香辣🍗脆雞 （$65）配罐裝飲品
即係甜辣炸雞，呢個價錢食到韓式炸雞真係抵食到爆！嚟到見到份量都好多喎！目測都有十幾舊，雞肉全部都冇骨，外皮熱辣辣好香脆，配埋黐立立的甜辣汁，食落真係好惹味😋，食極都仲想食真係好邪惡呀‼️不過就冇比酸蘿蔔我哋，唔知係唔係比漏咗，如果食完食返啲酸蘿蔔中和下油膩咁就Perfect！
香辣脆雞
$65
17 瀏覽
2 讚好
0 留言
金沙雞肉櫻花蝦炒飯 （$65）配罐裝飲品
嚟到見到放喺飯上面炸咗嘅洋蔥圈真係好吸引，有好多櫻花蝦 & 雞肉，不過炒飯有點太乾，味道唔係想像中咁好味，而且唔係好食到鹹蛋黃嘅味道、但起碼食完唔會全個碟底都係油，不過最奇怪竟然係個洋蔥圈，外皮唔燶但係裏面洋蔥炸到燶咗仲好苦，基本上個幾個洋蔥圈可以放棄，其實係咪只係用嚟裝飾㗎咋？😂😂😂
金沙雞肉櫻花蝦炒飯
$65
9 瀏覽
0 讚好
0 留言
黑松露卡邦尼意大利粉 （$65）
係好食好Creamy嘅Carbonara， 配菜方面有典型嘅煙肉，仲特別加咗韓式元素，加咗魚糕片、芝士獅子狗，仲有大量椰菜，令到個意粉變得健康均衡一點，而且味道都夾到，唔會好奇怪，相信卡邦尼炒年糕都會好好味，不過就完全feel唔到黑松露醬嘅存在😂。
黑松露卡邦尼意大利粉
$65
8 瀏覽
0 讚好
0 留言
Strawberry Milkshake (套餐加配$15)
士多啤梨奶昔唔會太甜，見到奶昔裏面有士多啤梨籽，即係有落鮮果去打👍🏻，士多啤梨味和奶味平衡(re: 好怕奶味太重)，打出嚟嘅奶泡好滑，好飲！加$15去飲抵飲👍🏻！
Strawberry Milkshake
$15
6 瀏覽
0 讚好
0 留言
所有下午茶餐已包一飲品，有普通罐裝或韓式罐裝飲品、熱飲有檸檬茶、柚子茶、紅棗茶等(凍飲加$5) ，另可加錢升級要咖啡、梳打或奶昔
食物：⭐️⭐️⭐️⭐️
炸雞脆卜卜上台熱辣辣非常好味，平日下午茶以咁抵嘅價錢食到咁多款炸雞真係抵食到爆‼️希望佢之後會唔會加價啦! 其實我好想試芝士蛋熔岩炒飯，同埋我鍾意食炒年糕，不過要就小朋友唔食得辣就揀咗炒飯啦，炒飯就真係麻麻地，希望下次有機會試佢嘅薄餅、炒年糕同埋試多幾款炸雞啦‼️呢間一定會再返去食！
環境：一嚟到覺得餐廳都幾靚好grand，而且窗邊有4張寬闊卡位，可以望住窗外嘅風景應該好舒服，其他座位都坐得好舒服距離感好足，抵讚👍🏻，大電視仲播住韓國男女團音樂！有feel!
總結 - 餐廳坐得舒服，食物款式較多，真係好適合約埋成班朋友聚餐食炸雞🐤🍗，過嚟飲杯嘢🍻🍹🥤！
張貼
