影片
更多
2005-12-15
97 瀏覽
呢D高級貴價地方我又點有可能黎到食飯吖，適逢同事生日boss請食飯，等我有此機會可以做到呢度既座上客。其實點咩菜全部都係由boss同秘書決定，我又好少去食上海菜，而且見識少，所以差不多有90%既菜式我都唔知係咩。淨係知道有饅頭、炒年糕、素鵝、素麵之類既東西、賽磅蟹、小籠包、鍋貼、粉皮(唔知係唔係，不過同事係咁叫)、有一道酸酸甜甜一條條既唔知係咩東東，仲有一個用南瓜盛著裡面有D肉既東東。甜品好似係炸雪糕之類。炒年糕幾煙韌，不過就淡左D。素鵝幾香口，但又唔會膩，幾好。素麵幾清，清得黎又唔會唔夠味，D菜都好新鮮。賽磅蟹D蛋白好滑，口感好好，食味都唔錯。小籠包就真係正～大大個充滿湯汁，令到D餡更香更濕潤，皮又夠薄，最衰就係我食o個陣整爛左塊皮，搞到D湯汁流晒落個碗度，可惜。鍋貼煎得香口，D餡亦都唔會乾身，但又唔會好油膩。其他野我都冇試。同事話饅頭都好食，不過我想食o個陣已經冇晒，想試都唔得了。甜品炸雪糕個皮有少少淋，不過外熱內冷，裡面D雪糕又唔太甜，而且夠滑，所以都好好食。overall我覺得中上，如果我有試埋其他野可能會覺得十分正都未定，可惜冇機會。埋單唔知要幾多錢，不過我相信都不會便宜..
其實點咩菜全部都係由boss同秘書決定，我又好少去食上海菜，而且見識少，所以差不多有90%既菜式我都唔知係咩。淨係知道有饅頭、炒年糕、素鵝、素麵之類既東西、賽磅蟹、小籠包、鍋貼、粉皮(唔知係唔係，不過同事係咁叫)、有一道酸酸甜甜一條條既唔知係咩東東，仲有一個用南瓜盛著裡面有D肉既東東。甜品好似係炸雪糕之類。
炒年糕幾煙韌，不過就淡左D。素鵝幾香口，但又唔會膩，幾好。素麵幾清，清得黎又唔會唔夠味，D菜都好新鮮。賽磅蟹D蛋白好滑，口感好好，食味都唔錯。小籠包就真係正～大大個充滿湯汁，令到D餡更香更濕潤，皮又夠薄，最衰就係我食o個陣整爛左塊皮，搞到D湯汁流晒落個碗度，可惜。鍋貼煎得香口，D餡亦都唔會乾身，但又唔會好油膩。其他野我都冇試。同事話饅頭都好食，不過我想食o個陣已經冇晒，想試都唔得了。甜品炸雪糕個皮有少少淋，不過外熱內冷，裡面D雪糕又唔太甜，而且夠滑，所以都好好食。
overall我覺得中上，如果我有試埋其他野可能會覺得十分正都未定，可惜冇機會。埋單唔知要幾多錢，不過我相信都不會便宜....最重要都係多謝boss！
張貼