味道

營業中

休息中

最近見好多人推介上環呢間隱世越泰菜小店。好日都唔出上環嘅我專程坐車嚟試吓佢有幾好味。六點幾過到嚟都幾乎坐滿晒人，等咗一陣有位入，見到個個都叫冬陰功粉同埋炸雞髀🍗，見到個賣相都流晒口水。🍗炸雞髀配泰式冬陰功粉絲 ＄84可以自選河粉、粉絲或米粉。我就揀咗粉絲啦！炸雞髀係即叫即炸，炸到外皮勁香脆，肉質嫩滑，味道方面都醃得幾夠味。呢個餐仲配埋冬陰公粉絲🌶️，個湯底真係超正，$84可以食到咁樣嘅質素真係好抵💯，個湯底好濃味而且好重椰香味，酸酸地帶小小辣辣🌶️地好開胃。🧋泰式奶茶奶茶用樽仔裝住上，味道都幾驚喜，佢唔會太甜，又唔會太澀，反而係飲落好重奶味，然後慢慢滲出茶香味。到我食飽行出舖頭嗰陣出面已經排咗條人龍等堂食，真係好彩我早黎。另外食緊期間都好多人過嚟拎外賣。