經典越南法包，餐廳有貼心切咗一半，方便食。法包烤得金黃香脆，咬落「喀嚓」一聲。入面嘅烤肉丸好juicy，調味啱啱好，唔會太鹹，加埋爽脆嘅青瓜同酸酸甜甜嘅蘿蔔絲，食落清新平衡。
蕃茄蟹檬檬枌，湯底開胃順口，酸酸甜甜嘅蕃茄味同蟹嘅鮮味好夾。檬粉好滑，吸晒湯汁嘅精華，份量都幾多，食完暖笠笠。
河内烤豬肉伴檬粉，份量大到差啲食唔晒。檬粉爽口彈牙，烤豬肉好香，帶點炭燒嘅煙燻味，肉質嫩滑，唔會太油。配菜有好多新鮮蔬菜，清爽得黎口感好豐富。
越蘆越南牛肉粉 (上環)
上環皇后大道西2-12號聯發商業中心地下B舖
