Green Orange

約朋友食lunch，好彩朋友提早book定位，lunch time 坐滿客都唔覺有壓迫感，環境開揚，用餐氣氛悠閒寫意，地鐵站出口行1分鐘就到達，地點非常方便。 午市套餐一個價錢包，沙律，是日餐湯，餐包，主菜同埋冷熱飲品。 南瓜湯，口感綿滑，濃郁香甜有少少忌廉奶香。沙律，沙律菜新鮮爽脆。辛香蒜白酒大蜆肉意大利麵擺盤精緻如一朵花，意粉彈牙，大蜆肉鮮甜冇沙，醬汁帶微辣很開胃。 意大利拿玻里肉丸羅勒番茄長通粉肉丸多汁有嚼勁，蘿勒配蕃茄醬濃郁掛汁，甜甜酸酸增加食慾。