影片
更多
2021-12-29
242 瀏覽
一家 (筲箕灣)••••••••••••••••••••••••••••••✄( •8• )✄( •8• )✄( •8• )✄( •8• )••••••••••••••••••••••••••••••♥️餐點：•麻辣香炸鳳尾魚•臭豆腐•小籠包（4隻）•海鮮澆頭麵•怪味雞•炸芝麻團••••••••••••••••••••••••••••••♥️食評：前菜小食已經好驚艷！鳳尾魚依家已經好少地方有得食😚店員特意同我哋推介麻辣香炸鳳尾魚呢道菜，果然非常之唔錯，好香脆，唔油膩，成條魚仔連骨全部都可以吞，食到有少少麻香，真心推介呢道菜！臭豆腐已經好耐無食，以前冬天行街聞到超臭嘅話都會試吓😝😝😝喺餐廳度食臭豆腐反而係第一次，呢到嘅臭豆腐都夠臭，而且有我食臭豆腐必定會配嘅辣豆瓣醬，唔錯！好耐無食過高質嘅小籠包，呢到嘅小籠包皮夠薄之餘仲要好大夠肉，湯汁當然都係爆出嚟咁多，我自己覺得係幾高質，而且夠香，下次會試埋佢嘅蟹粉小籠包！今次係第一次食澆頭麵，佢有配唔同配料，今次揀咗海鮮，海鮮種類同份量都算多，有蜆、蝦、魷魚等，呢款麵嘅湯比較傑，係一款好特別好有特色嘅麵。怪味雞可以話係今餐畫龍點睛嘅一道菜，前面嘅菜式已
••••••••••••••••••••••••••••••
✄( •8• )✄( •8• )✄( •8• )✄( •8• )
••••••••••••••••••••••••••••••
♥️餐點：
•麻辣香炸鳳尾魚
•臭豆腐
•小籠包（4隻）
•海鮮澆頭麵
•怪味雞
•炸芝麻團
••••••••••••••••••••••••••••••
♥️食評：
前菜小食已經好驚艷！鳳尾魚依家已經好少地方有得食😚店員特意同我哋推介麻辣香炸鳳尾魚呢道菜，果然非常之唔錯，好香脆，唔油膩，成條魚仔連骨全部都可以吞，食到有少少麻香，真心推介呢道菜！
臭豆腐已經好耐無食，以前冬天行街聞到超臭嘅話都會試吓😝😝😝喺餐廳度食臭豆腐反而係第一次，呢到嘅臭豆腐都夠臭，而且有我食臭豆腐必定會配嘅辣豆瓣醬，唔錯！
好耐無食過高質嘅小籠包，呢到嘅小籠包皮夠薄之餘仲要好大夠肉，湯汁當然都係爆出嚟咁多，我自己覺得係幾高質，而且夠香，下次會試埋佢嘅蟹粉小籠包！
今次係第一次食澆頭麵，佢有配唔同配料，今次揀咗海鮮，海鮮種類同份量都算多，有蜆、蝦、魷魚等，呢款麵嘅湯比較傑，係一款好特別好有特色嘅麵。
怪味雞可以話係今餐畫龍點睛嘅一道菜，前面嘅菜式已經好出色嘅同時都有一道令人驚喜嘅主菜。呢款雞雖則叫怪味雞但其實少少怪味都無，而且雞炸過令外皮香脆，有咸咸甜甜嘅醬汁浸住，同時有青瓜放喺雞嘅下面，可以防止醬汁浸淋啲皮，同時食青瓜可以令味蕾保持清新解膩。
雖然已經食到好飽但都忍唔住食埋個甜品😭熱辣辣嘅脆炸芝麻團，入面嘅芝麻餡一咬就流晒出嚟，正！
••••••••••••••••••••••••••••••
一家 (筲箕灣)
筲箕灣筲箕灣道393號形薈地下G04號舖
#cony去筲箕灣 #cony食上海菜 #cony食麵 #cony食雞 #一家 #hkfoodie
••••••••••••••••••••••••••••••
張貼
