上海婆婆336 (iSQUARE國際廣場)

營業中

休息中

好耐都無食過上海菜，難得今日得閒約埋屋企人嚟尖沙咀食飯，有個朋友之前介紹話呢間餐廳個紅燒肉好好，叫我一定要試吓，見佢講到咁正，就嚟咗呢間上海婆婆336到食飯。話梅花雕醉雞 $98好濃嘅花雕酒味但唔會好難入口，醉雞肉質好嫩滑，凍冰冰咁食好開胃。韭黃炒鱔糊 $118炒到好有鑊氣，韭黃口感爽脆，鱔肉肉質好嫩滑好淋，兩樣夾埋一齊食味道好夾。百葉結紅燒肉 $98紅燒肉煮到好入味肉質好淋，百葉結好似豆皮好好食吸收曬醬汁嘅精華，好香豆香味配飯一流👍🏻。336上海小籠包（4隻） $46小籠包外皮好薄，一咬開爆曬啲湯汁出嚟，餡料好多好鮮甜。