影片
更多
2023-07-23
48 瀏覽
博多屋台 Hakata Yatai📍上水彩園路8號彩園商場3樓22-23號舖難得星期六終於放假，就約咗朋友去上水食飯。上水有好多藥房同大商場，一直以來都唔知入邊有咩好食，每次見到只係人頭湧湧，原來商場裏面都有好多嘢食。我同朋友都鍾意食日本嘢，所以就搵咗間日本餐廳食午餐。呢度比較特別嘅地方，就係佢唔係走高價路線，真係好似日本嘅屋台咁，以平民價錢食到優質嘅日本料理。雖然鋪面睇落唔係好大，但入邊佈置得幾有心思，有啲似日本嗰種可以搬嚟搬去嘅屋台咁，而且有好多座位，空間感亦足夠，都幾舒適。 💰$23玻璃蝦壽司 🍣呢啲玻璃蝦壽司兩隻蝦都算幾大隻，咬落無筋，而且蝦肉好彈牙，感覺上比迴轉壽司店嘅新鮮。 💰$35三品壽司盛 🍣三品壽司盛包括有火炙芥末皇帝棒壽司、七味火炙玻璃蝦壽司同麻辣火炙三文魚壽司。我鍾意呢個壽司盛嘅原因，係因為佢三件都係火炙壽司，配上唔同特色嘅醬汁，口感同油脂都比一般嘅生魚壽司好食。先講吓火炙芥末皇帝棒壽司，其實就係一般嘅蟹肉棒壽司，不過特別嘅地方就係個芥末醬，一嚟唔使額外點wasabi，二嚟就係個調味啱啱好，唔會辣到好攻鼻，但又可以為平平無奇嘅蟹棒加添特色。至於另外兩件壽司嘅調味感
📍上水彩園路8號彩園商場3樓22-23號舖
難得星期六終於放假，就約咗朋友去上水食飯。上水有好多藥房同大商場，一直以來都唔知入邊有咩好食，每次見到只係人頭湧湧，原來商場裏面都有好多嘢食。
我同朋友都鍾意食日本嘢，所以就搵咗間日本餐廳食午餐。呢度比較特別嘅地方，就係佢唔係走高價路線，真係好似日本嘅屋台咁，以平民價錢食到優質嘅日本料理。雖然鋪面睇落唔係好大，但入邊佈置得幾有心思，有啲似日本嗰種可以搬嚟搬去嘅屋台咁，而且有好多座位，空間感亦足夠，都幾舒適。
[價錢 Price]
💰$23
玻璃蝦壽司 🍣
呢啲玻璃蝦壽司兩隻蝦都算幾大隻，咬落無筋，而且蝦肉好彈牙，感覺上比迴轉壽司店嘅新鮮。
[價錢 Price]
💰$35
三品壽司盛 🍣
三品壽司盛包括有火炙芥末皇帝棒壽司、七味火炙玻璃蝦壽司同麻辣火炙三文魚壽司。我鍾意呢個壽司盛嘅原因，係因為佢三件都係火炙壽司，配上唔同特色嘅醬汁，口感同油脂都比一般嘅生魚壽司好食。
先講吓火炙芥末皇帝棒壽司，其實就係一般嘅蟹肉棒壽司，不過特別嘅地方就係個芥末醬，一嚟唔使額外點wasabi，二嚟就係個調味啱啱好，唔會辣到好攻鼻，但又可以為平平無奇嘅蟹棒加添特色。
至於另外兩件壽司嘅調味感覺上就係一樣，三文魚唔係好食到有麻辣味，但兩件都勝在唔會燒得過熟，口感幾好。
[價錢 Price]
💰$40
關東煮(B) 🍢
餐廳有兩款關東煮，我哋揀咗B款，有齊蘿蔔、鳴門卷、福袋、明太子魚餅同冬菇。蘿蔔非常淋身，鳴門卷唔會好厚粉，福袋裏面好似包住一嚿年糕，煙煙韌韌幾特別。
關東煮裏面我最鍾意嘅就係明太子魚餅同埋冬菇，明太子魚餅裏面包住好多明太子餡，而且未到唔會好鹹，有啲似平時食嘅包心魚蛋咁。至於冬菇就因為佢好新鮮，而且大大隻好厚肉，好香菇味，所以我同朋友都好鍾意。
[價錢 Price]
💰$68
黑蒜油腩肉拉麵 🍜
平時食碗拉麵閑閑地都要80幾90蚊，呢度食本招牌黑蒜油腩肉拉麵居然只係$68！呢碗拉麵一啲都唔馬虎，除咗有全隻嘅半熟蛋，仲有木耳絲，同三塊大片嘅腩肉。拉麵比較幼身，可以自由選擇軟硬度，我哋揀咗煮淋啲，所以就比較索湯。欣賞佢嘅黑蒜油味濃得嚟，個湯底依然唔會好鹹，而且可以加$14配杯特飲，都幾抵食。
[價錢 Price]
💰$98
火炙三文魚帶子丼
呢個火炙三文魚帶子丼每片三文魚都好大塊，鋪滿整個飯面。火炙嘅位置燒得啱啱好，反轉個底仲係半生熟嘅，正！帶子大大粒，一樣燒得恰到好處，仲可以一分為二慢慢食，抵！唯一有少少美中不足嘅地方就係佢個飯無做任何調味，係一般嘅珍珠米飯，要靠自己加返多啲醬油去調味。
張貼
