40
5
2
等級4
532
1
上水之旅
2015-08-27 738 瀏覽
上水...實在是好遙遠的地方, 下一個站就係"羅湖"..., 再行過d就係深圳,  深圳喎..., 翻大陸旅行一樣囉... 今天, 準備行裝, 早上回公司坐坐, 午飯後 去上水探班, 老友記在馬會路開新店, 約多兩位退休老友, 一齊入去八一八. 轉車連行路, 加埋火車時間, 花了"個半鐘", 落車還要行經兩個現代化商場和一個大街市, 才到達馬會路. 與老友吹一陣水, 發一陣噏風, 然後齊齊去打邊爐, 地點係街市熟食市場: 最喜愛的地道、平、靚、正風味, 途經兩層街市, 到達三樓的冷氣大排檔.目標店是近大窗戶的火鍋雞煲店, 友人一邊行一邊念念有詞, 好似拜神咁...: "今晚唔食...點都..唔食辣雞煲.. 上一星期已經食咗三次麻辣雞煲"時間尚早, 六時未夠, 天仍光亮, 店內只有數檯客人, 我們揀了最角位的中型檯, 背牆式, 坐得特別舒適.坐低後第一件事: 啤酒! 朝日$23, 藍妹$28, 生力$23, 全都是正常價.叫了一枝藍妹, 一枝朝日, 跟冰桶, very good啦...老友是此店常客, 無問大家意見便落單, 要了一碟: 椒鹽脆骨腩 ($108), 價錢唔算平, 但這碟是我
更多
上水...實在是好遙遠的地方, 下一個站就係"羅湖"..., 再行過d就係深圳,  深圳喎..., 翻大陸旅行一樣囉...
29 瀏覽
0 讚好
0 留言
 今天, 準備行裝, 早上回公司坐坐, 午飯後 去上水探班, 老友記在馬會路開新店, 約多兩位退休老友, 一齊入去八一八. 轉車連行路, 加埋火車時間, 花了"個半鐘", 落車還要行經兩個現代化商場和一個大街市, 才到達馬會路.
34 瀏覽
0 讚好
0 留言
 與老友吹一陣水, 發一陣噏風, 然後齊齊去打邊爐, 地點係街市熟食市場: 最喜愛的地道、平、靚、正風味, 途經兩層街市, 到達三樓的冷氣大排檔.
30 瀏覽
0 讚好
0 留言
 目標店是近大窗戶的火鍋雞煲店, 友人一邊行一邊念念有詞, 好似拜神咁...: "今晚唔食...點都..唔食辣雞煲.. 上一星期已經食咗三次麻辣雞煲"
88 瀏覽
0 讚好
0 留言
 時間尚早, 六時未夠, 天仍光亮, 店內只有數檯客人, 我們揀了最角位的中型檯, 背牆式, 坐得特別舒適.
238 瀏覽
1 讚好
0 留言
 坐低後第一件事: 啤酒! 朝日$23, 藍妹$28, 生力$23, 全都是正常價.
25 瀏覽
0 讚好
0 留言
 叫了一枝藍妹, 一枝朝日, 跟冰桶, very good啦...
42 瀏覽
1 讚好
0 留言
 老友是此店常客, 無問大家意見便落單, 要了一碟: 椒鹽脆骨腩 ($108), 價錢唔算平, 但這碟是我食過最好味, 最難忘的脆肉鯇魚骨腩. 之前食過的脆肉鯇魚, 多是用湯汋, 從未試過椒鹽口味, 脆骨腩本身夠彈口, 加上椒鹽炸起, 表面香口, 肉質彈牙, 正是少少鹹, 多多脆, 送酒超一流.
675 瀏覽
3 讚好
0 留言
 雞煲共有四款式: 麻辣雞煲, 椰子雞煲, 藥材花鵰雞煲, 胡椒豬肚雞煲. 老友講明, 堅決唔食"麻辣"... 你一言, 我一語, 五分鐘都未討論完...
36 瀏覽
0 讚好
0 留言
 最後叫了椰子雞煲 ($148/半隻), 先來湯底, 紅棗、杞子、椰子、海底椰, 還有最喜愛的雪耳. 店員提醒: 湯滾才放入雞件.
24 瀏覽
0 讚好
0 留言
 不似市面的雞煲店, 不是把雞件放入煲才上檯, 而這店是分開上檯, 連內臟也分好半份, 整整齊齊, 無花無假, 真係半隻雞.
14 瀏覽
0 讚好
0 留言
 新鮮的雞肉顏色, 雞皮厚薄適中, 脂肪不多.
24 瀏覽
0 讚好
0 留言
 特別調味料: 店老闆提醒, 記住榨些青檸汁入辣椒豉油, 沾雞來吃一流, 試過後你會知, 出奇好味, 以後去打邊爐都要預先買定青檸了...
22 瀏覽
0 讚好
0 留言
 湯滾, 放雞, 攪一攪, 冚蓋, 老闆又再提醒: 翻滾後兩分鐘, 息火, 不要打開蓋, 焗三分鐘!!
20 瀏覽
1 讚好
0 留言
 .....三分鐘了, 開蓋, 甲愛雞胸、乙愛雞翼、我愛雞背, 各取所好, 入口嫩滑, 與一邊滾一邊食的"醬汁雞煲"完全不同, 店員又走來吹水, 提我們記住食完雞才開火打邊爐, 否則雞件會愈煮愈老.
29 瀏覽
1 讚好
0 留言
 原來湯底已經包括了一隻小型花蟹, 店員話, 加入花蟹可提升湯底鮮味, 記住要飲番碗椰子雞湯!
22 瀏覽
1 讚好
0 留言
 三合一: 鹽燒芝士丸、蟹籽包、墨汁墨魚丸 ($48). 好新穎好特別的火鍋配料, 真係黑過墨汁既墨魚丸, 你敢唔敢食? 還有燒過外皮的芝士丸和蟹籽蓉的包心丸.
17 瀏覽
1 讚好
0 留言
 墨汁墨魚丸, 好似粒黑碳一樣, 但就超好味, 彈牙度適中, 墨味超高. 
26 瀏覽
0 讚好
0 留言
 鹽燒芝士丸, 外皮頂燒得金黃, 軟熟彈口, 內裡芝士溶至半流質, 又香又濃.
8 瀏覽
0 讚好
0 留言
 蟹籽包, 外層白魚蛋, 中心橙金色的蟹籽, 鮮艷, 煮熱後, 流出"金"油, 好靚.
18 瀏覽
0 讚好
0 留言
 手切肥牛 ($188), 油花未算十分均勻, 但紅色鮮嫩, 賣相一流, 加送牛脂片三件.
16 瀏覽
0 讚好
0 留言
 靚牛肉, 放湯, 大火, 汋半分鐘, 我不愛太生, 八、九成熟剛好, 肥七瘦三的手切牛, 入口軟熟而不失牛肉的籤維口感, 牛肉味濃, 與沾雞件一樣, 用檸檬汁豉油, 有意想不到的效果.
15 瀏覽
0 讚好
0 留言
 另外加送的牛脂片, 未吃前, 以為是脂肪的軟口感...., 完全估錯, 入口彈牙而帶些少爽口, 有少少似硬身的牛筋, 好特別.
32 瀏覽
2 讚好
0 留言
 珊瑚蚌 ($82). 打邊爐食得多了, 無需多介紹吧, 鮮橙的顏色已經告訴你知: 新鮮度十足.
16 瀏覽
0 讚好
0 留言
 最後當然不會忘記最重要的告別湯水: 椰子雞湯, 還加了大量配料煲足兩、三小時, 椰子清甜, 雞肉清香, 記得: 要飲得健康, 飲前記得撇走湯面的一層油.


(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
1 已推介
    張貼
    評分
    味道
    環境
    服務
    衛生
    抵食
    用餐日期
    2015-08-19
    用餐途徑
    堂食
    人均消費
    $250 (晚餐)