皇室甜品 (已結業)

同朋友係附近食完四川串燒之後意猶未盡，一半趕住返屋企，仲有d 好似我甘，仲未想散場住，上一場飲到興起，梗係口水多，所以就轉嗰彎，搵咗呢間甜品店坐低食甜品。餐牌太多選擇了！各式各樣嘅甜品都有！店家話佢哋主打芒果同榴槤。我叫左楊枝甘露($30), 九秒九就上台囉。好快！一開始食佢嗰面果層，佢哋用一啲透明嘅啫喱，代替左西米露。呢啲透明珠珠一啲味都冇，所以初初食果幾多啖，唔係攪得太勻，太淡口。之後混合底下嘅芒果汁就覺得好食好多！裡面大約用咗半個芒果來做，用料豐富。另一個我覺得做得唔錯個係比利時窩夫($43)。佢每一格都放咗一蛋黃忌廉，雖然感覺上有啲奇怪但係唔會太甜，窩夫係做得軟身，而且有點熱辣辣，好似食雞蛋糕甘。