影片
更多
2021-04-30
342 瀏覽
收工又行去宇宙商業大廈附近睇吓有咩食，見到上次食既PASSION FRUIT LEMONADE，旁邊有個指示牌話2樓有火鍋專門店，適逢呢排落雨涼涼地打下邊爐都好喎，二丁友就貢咗上去環境幾舒服，就算我兩個人，都坐到四至六人嘅卡位。每張枱都寬敞闊落，同時間見到有兩個飯局喺唔同嘅房間，職員話呢度有卡拉OK同麻雀枱提供，下次收工真係可以約埋班同事訂枱喺呢度食。湯底方面，揀咗椰子雞煲。個鍋一上，真係嚇親😨，即刻攞我隻手掌拼埋去俾大家睇。先上係椰子水，煲熱啲椰子水之後就可以落雞㗎啦。讚一讚啲雞先，一滴血水都搵唔到，處理得好乾淨冇毛，刀法俐落唔會有碎骨。椰子水滾左之後就擺咗啲雞同椰子落去，再次滾起之後，一定要飲頭啖湯，超級清甜，我都建議大家飲咗湯先再加湯食火鍋。而且啲雞肉嫩滑，$198呢個價錢真係抵。另外仲叫咗：台式鴨血、凍豆腐、本身想食極品本地手切肥牛啊但係賣晒，改叫手切雪花牛小排（小）、豬夏青、手工花枝墨魚滑。全部嘅份量都對得住個價錢，整體來講價錢同食物質素係成正比。最意想唔到係，邊食職員會幫我哋邊隔油，真係第一次喺出面食火鍋有呢一種服務。始終兩個人叫唔到好多餸菜，等埋下次同埋班同事，三五知己黎
環境幾舒服，就算我兩個人，都坐到四至六人嘅卡位。每張枱都寬敞闊落，同時間見到有兩個飯局喺唔同嘅房間，職員話呢度有卡拉OK同麻雀枱提供，下次收工真係可以約埋班同事訂枱喺呢度食。
湯底方面，揀咗椰子雞煲。個鍋一上，真係嚇親😨，即刻攞我隻手掌拼埋去俾大家睇。先上係椰子水，煲熱啲椰子水之後就可以落雞㗎啦。讚一讚啲雞先，一滴血水都搵唔到，處理得好乾淨冇毛，刀法俐落唔會有碎骨。椰子水滾左之後就擺咗啲雞同椰子落去，再次滾起之後，一定要飲頭啖湯，超級清甜，我都建議大家飲咗湯先再加湯食火鍋。
而且啲雞肉嫩滑，$198呢個價錢真係抵。
另外仲叫咗：台式鴨血、凍豆腐、本身想食極品本地手切肥牛啊但係賣晒，改叫手切雪花牛小排（小）、豬夏青、手工花枝墨魚滑。
全部嘅份量都對得住個價錢，整體來講價錢同食物質素係成正比。
最意想唔到係，邊食職員會幫我哋邊隔油，真係第一次喺出面食火鍋有呢一種服務。始終兩個人叫唔到好多餸菜，等埋下次同埋班同事，三五知己黎大吃大喝啦😋
食米線有三哥，viutv有3哥，打火鍋有三鍋🤙🏻
三鍋 (灣仔)
地址：灣仔告士打道229-230號宇宙商業大廈2樓
電話：31040060 /56195961 what’s app
營業時間: 星期一至日 12:00-22:00
張貼
