影片
更多
2011-09-06
636 瀏覽
亞媽話睇到亞視個節目何b 師傅介紹呢間酒樓, 所以就同佢同一班亞姨0黎探一探虛實!!呢度有三寶 - 雙皮奶焗芝士蛋糕, 蝦餃之王, 蜂巢初鳥 (芋角) 一個set : 雙皮奶焗芝士蛋糕 一碗, 蝦餃之王2隻, 蜂巢初鳥 (芋角)1隻!! 都只不過係58蚊!!單叫一個雙皮奶焗芝士蛋糕就要30蚊lu~ 58蚊可以試晒3寶當然好抵啦~不過由於小妹請一眾亞姨飲茶, 只係叫一個set 又唔夠分....唯有分開order....蜂巢初鳥 (芋角) - 做成一隻隻雀仔形咁, 一向都好怕芋角有好多納納雜雜野既我, 都要試一試, 雖然佢都有d 雞肉菇等等既料係入面, 不過又真係幾好味, 打破左我舊有既觀念!!蘋果批 - 西式既就真係食得多, 中式既就真係第一次試, 佢做得無西式既咁甜, 批皮就似蛋撻批咁, 可以一試!! 雙皮奶焗芝士蛋糕 - 好清楚咁影到佢既真身, 其實佢係得面頭果一層薄薄既焗芝士蛋糕,下面係雙皮奶, 食手工都係值既, 因為花功夫嘛~ 而且一次過食兩種甜品!!講番果一層薄薄既焗芝士蛋糕, 都有芝士味, 加埋下面軟滑既雙皮奶真係雙重享受!! 推介!!千層糕 - 出面好多茶樓都係做黃色既,
亞媽話睇到亞視個節目何b 師傅介紹呢間酒樓, 所以就同佢同一班亞姨0黎探一探虛實!!
呢度有三寶 - 雙皮奶焗芝士蛋糕, 蝦餃之王, 蜂巢初鳥 (芋角)
一個set : 雙皮奶焗芝士蛋糕 一碗, 蝦餃之王2隻, 蜂巢初鳥 (芋角)1隻!! 都只不過係58蚊!!
單叫一個雙皮奶焗芝士蛋糕就要30蚊lu~ 58蚊可以試晒3寶當然好抵啦~
不過由於小妹請一眾亞姨飲茶, 只係叫一個set 又唔夠分....
唯有分開order....
蜂巢初鳥 (芋角) - 做成一隻隻雀仔形咁, 一向都好怕芋角有好多納納雜雜野既我, 都要試一試, 雖然佢都有d 雞肉菇等等既料係入面, 不過又真係幾好味, 打破左我舊有既觀念!!
蘋果批 - 西式既就真係食得多, 中式既就真係第一次試, 佢做得無西式既咁甜, 批皮就似蛋撻批咁, 可以一試!!
雙皮奶焗芝士蛋糕 - 好清楚咁影到佢既真身, 其實佢係得面頭果一層薄薄既焗芝士蛋糕,下面係雙皮奶, 食手工都係值既, 因為花功夫嘛~ 而且一次過食兩種甜品!!
講番果一層薄薄既焗芝士蛋糕, 都有芝士味, 加埋下面軟滑既雙皮奶真係雙重享受!! 推介!!
千層糕 - 出面好多茶樓都係做黃色既, 不過佢係蛋白做架, 所以係全白色架, 中間每一層夾住少少流沙包入面果d 咁既咸蛋黃醬, 少少甜, 少少咸咁, 完全唔會漏!! 好味!!
蝦餃之王 - 真係皮好薄, 又好煙韌, 入面既蝦好新鮮, 爽口, 好有蝦味, 難怪咁大口氣話自己係蝦餃之王!!
腸粉 - 真係好滑, 我唔知亞姨佢地叫既係咩腸粉, 入面係脆既, 外面包住滑滑嫩嫩既腸粉, 不過唔係炸兩來!! 只係覺得幾好味, 唔錯唔錯!! 呢間茶樓好多新奇點心!! 哈哈!!
芋頭黃金夾 (芋頭絲夾南瓜蓉) - 芋頭絲整到好脆口, 中間南瓜蓉係咸既, 整個點心都係咸既, 可能係比d 甜品店搞到覺得芋頭同南瓜都係甜既, 所以一食落去完全顛覆左我舊有既概念!!
不過食落係幾好味既!!
燒賣 - 都係要加辣椒油先最好食, 佢都係平時一般果d 豬肉燒賣, 只係多左一隻爽口大蝦!! 可以一試!!
流沙包 - 真係好流得下, 小心滴親手, 又辣親個口... 哈哈!! 其實食流沙包同心太軟一樣, 最緊要係真係個心係會流, 而唔係一撻撻咁,
譽宴既流沙包真係流得下不特止, 仲要有一層咸蛋黃既油... yummy yummy!!
張貼
