影片
更多
2021-05-02
338 瀏覽
今晚(5月1號)約咗個fd食晚飯，見難得屯門有間睇落唔錯嘅cafe，就膽粗粗去試下出面望入去都幾有格調，入座率都有七八成，無訂位都可以walk-in即刻入座一入去即刻睇menu，有意粉/薄餅同埋幾款main course，突然之間想食扒就揀咗298嘅USA Prime Black Angus Beef Ribeye同埋火箭菜巴馬火腿薄餅，因上次出外食牛扒嗌五成熟都稍老，所以今次嗌咗三成熟另加一杯Espresso Tonic同Banana Chocolate Latte嘢飲好快到，我飲Banana Chocolate Latte，第一啖好有香蕉朱古力嘅香味，吞落去就再有咖啡香味，幾有新意嘅配搭，朋友表示佢點嘅Espresso Tonic亦尚可然而，嘢食方面就係大災難，等咗半個鐘都未上菜，薄餅我都可以體諒製作需時，但肉眼需要煎咁耐咩 中途唯有繼續空肚飲咖啡頂住此乃第一敗筆等多一陣終於上咗肉眼，不過我第一眼望落去即刻打個突，表面燶燶哋，唔好話三成，應該甚至乎超過七成熟 到切嘅時候，298嘅牛扒本身都預咗唔會好大舊，點知薄如紙，大家樂嘅西冷牛扒仲厚過佢切落去一望，仲心up，中間絕大部份全熟，只
出面望入去都幾有格調，入座率都有七八成，無訂位都可以walk-in即刻入座
一入去即刻睇menu，有意粉/薄餅同埋幾款main course，突然之間想食扒就揀咗298嘅USA Prime Black Angus Beef Ribeye同埋火箭菜巴馬火腿薄餅，因上次出外食牛扒嗌五成熟都稍老，所以今次嗌咗三成熟
另加一杯Espresso Tonic同Banana Chocolate Latte
嘢飲好快到，我飲Banana Chocolate Latte，第一啖好有香蕉朱古力嘅香味，吞落去就再有咖啡香味，幾有新意嘅配搭，朋友表示佢點嘅Espresso Tonic亦尚可
然而，嘢食方面就係大災難，等咗半個鐘都未上菜，薄餅我都可以體諒製作需時，但肉眼需要煎咁耐咩 中途唯有繼續空肚飲咖啡頂住此乃第一敗筆
等多一陣終於上咗肉眼，不過我第一眼望落去即刻打個突，表面燶燶哋，唔好話三成，應該甚至乎超過七成熟
到切嘅時候，298嘅牛扒本身都預咗唔會好大舊，點知薄如紙，大家樂嘅西冷牛扒仲厚過佢
切落去一望，仲心up，中間絕大部份全熟，只有一點少少紅，一啲肉汁都無，直接啲講句，我去嗌碟切雞飯，入面舊雞都仲會生過佢，煮唔熟嘅血紅位仲會多過佢
食落去，靭到飛起唔在講，完全似食橡筋，仲要唔係熱嘅，只係微暖，到底佢點煮先可以煮到一塊九成熟但唔熱嘅牛扒serve客
落單問我嗌三成熟，但係出到黎煮到九成，咁問我要幾成熟仲有咩用 食材差，廚藝更差，塊牛扒完全無值得讚賞嘅地方，咁都可以打開門口收人298真係藝低人膽大此為第二敗筆
本想同朋友share食，最後我朋友只食了三份一塊肉眼，我只食了一啲啲。
最後，食完薄餅同飲完咖啡之後，真係頂唔住塊肉眼質素咁差，同女侍應講，但佢態度冷淡，毫無悔意
我第一句就問「唔好意思，我嗌咗三成熟喎，呢塊扒幾多成熟架?」，然後第二句就即刻表明我唔係想換，但佢只回覆「哦」就逕自走開，毫無禮貌
到埋單嗰陣我又忍唔住再講多次，佢只問一句「咁前面嗰啲(即係食咗嗰啲)有無問題」，我答佢一樣咁overcooked，佢再一次無任何表示之下走開咗
件事我講咗兩次，個侍應都係聽完就算，中途連句「唔好意思」都無，我本身無打算要換，只係想好好哋同朋友開心食個飯，但係佢連一個交代同唔好意思都無，真係食到好谷氣此為第三敗筆
最後見個侍應由頭到尾都無同廚房反映，完全無視我意見，唯有又嬲又餓咁走咗
上菜慢，食材劣，廚藝拙，態度差，永久blacklist不會再幫襯
22 瀏覽
0 讚好
0 留言
USA prime black Angus beef ribeye
$298
20 瀏覽
0 讚好
0 留言
USA prime black Angus beef ribeye
$298
17 瀏覽
0 讚好
0 留言
張貼
