影片
更多
2021-09-13
851 瀏覽
今日表妹生日，我同老婆約左佢係將軍澳食生日飯，因為表妹同我地都係芝士控，之前約佢食飯都係食意大利菜多，今日趁佢生日就帶佢去食返餐法國菜俾個驚喜佢。😁Odelice!係灣仔已經開業多年，係一間價錢比較貼地嘅高質法國菜小店，老婆同我都好鍾意去食，尖沙咀同將軍澳開左分店之後我地亦係常客。今日我地19：30左右到餐廳當時已經滿座，餐廳位於Popcorn 1樓，採用半開放式設計，裝修設計富有格調，整體感覺寬敞舒適。😙我地入座之後先點左一客火腿芝士拼盤同揀左一杯法國紅酒，一邊品嚐一邊聊天再慢慢揀其他食物。火腿芝士拼盤 ＄218呢個拼盤嘅風乾肉腸係法國最經典嘅肉腸之一，帶有微微辣香，豬肉味濃，另一款豬頸肉火腿油脂豐腴，肉質柔軟，配以法國紅酒，一片一口，非常幸福。兩款芝士我比較喜歡18個月的康提芝士，熟成過嘅芝士口感較實在，亦都係佐酒妙品。👍🏻法國，勃根地地區AOC, Leslie Grandest Carelles, Domaine Lejeune $128表妹揀嘅呢款勃根地紅酒，入口輕盈柔順，果香亦格外強烈，225ml呢個份量足夠我同老婆兩個share。🤫紅菜頭，蘋果，紅蘿蔔汁 ＄38紅菜頭一點
Odelice!係灣仔已經開業多年，係一間價錢比較貼地嘅高質法國菜小店，老婆同我都好鍾意去食，尖沙咀同將軍澳開左分店之後我地亦係常客。今日我地19：30左右到餐廳當時已經滿座，餐廳位於Popcorn 1樓，採用半開放式設計，裝修設計富有格調，整體感覺寬敞舒適。😙
我地入座之後先點左一客火腿芝士拼盤同揀左一杯法國紅酒，一邊品嚐一邊聊天再慢慢揀其他食物。
火腿芝士拼盤 ＄218
呢個拼盤嘅風乾肉腸係法國最經典嘅肉腸之一，帶有微微辣香，豬肉味濃，另一款豬頸肉火腿油脂豐腴，肉質柔軟，配以法國紅酒，一片一口，非常幸福。兩款芝士我比較喜歡18個月的康提芝士，熟成過嘅芝士口感較實在，亦都係佐酒妙品。👍🏻
法國，勃根地地區AOC, Leslie Grandest Carelles, Domaine Lejeune $128
表妹揀嘅呢款勃根地紅酒，入口輕盈柔順，果香亦格外強烈，225ml呢個份量足夠我同老婆兩個share。🤫
紅菜頭，蘋果，紅蘿蔔汁 ＄38
紅菜頭一點土腥味都沒有，配上蘋果汁和紅蘿蔔汁後很清甜，好味又有益，尤其啱女士飲用。😁
法國油封鴨腿蕎麥薄餅 ＄135
Galette係一款家傳戶曉嘅法國家常菜，呢個蕎麥薄餅充滿麥香，質感幼細，口感煙韌，捲住油香豐腴嘅油封鴨同蛋汁，味道層次豐富。👍🏻
低溫慢煮伊比利亞黑毛豬柳 ＄238
伊比利亞黑毛豬柳以低溫慢煮，非常軟腍多汁，而且帶有淡淡橡果香氣，配以砵酒汁軟滑薯蓉及石榴粒，肉味更加突出。😋
巴斯克焦香芝士蛋糕 ＄88
最後食埋呢個極具人氣嘅巴斯克焦香芝士蛋糕，蛋糕芝士味濃，帶有微微焦香。我地3個芝士控呢餐都非常滿足。😊
張貼
