芝加哥串燒酒場 (太和中心)

收工經過太和都會見到呢家店,成日都見到有唔少人聚埋飲嘢🍻~所以早排都去試咗,原來佢啲嘢飲真係幾唔錯👍~佢仲有啲串燒同埋飯類可以揀,一大板串燒上檯真係勁適合影相打卡!佢嘅牛舌好油好香👅,少少黑椒吊味已經好夠~再加啲檸檬汁就更清新🍋,非常推介~雞翼燒得有啲乾🐔,但皮好脆,味道亦好好~個人最愛係呢個燒白鱔!平時BBQ都會燒鱔,呢個燒白鱔就完全係BBQ嘅效果🍢!個皮脆到薯片一樣,而啲肉仲滴緊汁咁好鮮味~實在係必點📝!向來喜歡食魷魚嘅我仲叫咗原隻魷魚🦑~唔會燒得太老太乾,仲保持住中間濕濕軟軟嘅口感~呢個蟹棒加上咗芝士就更香口🧀~另一半最喜歡食呢啲蟹棒🦀,不能不點~呢間嘅cocktail種類超多,而係云云酒名之中揀返杯真係唔易🍹~咁啱見到呢個有tequila,而且有橙汁🧃~成份簡單應該比較無咁易中伏😂😂而呢杯又真係幾好飲,啱晒女士~上面仲要勁多乾果片,好靚😍😍呢度嘅sangria同我平時飲開嘅唔同🍷~酒味更強烈,因為佢除咗紅酒之外,仲有白蘭地🥃~其實我仲有食咗好多其他嘢,例如燒茄子🍆燒菠蘿咁🍍~因為實在太多選擇太多嘢食🙈,所以精選咗啲好好食嘅串燒介紹下😋😋~下次三五知己想要飲返杯,都可以嚟呢度試下