浪．居酒屋 (已結業)

多得有朋友介紹，先知道銅鑼灣原來有間咁正嘅居酒屋，而家知道有呢間嘢，以後一定會陸續再訪，因為啲嘢又好食，坐得又舒服！其實一入到嚟見到天花板啲燈已經覺得勁靚，仲要難得有居酒屋格局嘅餐廳又唔會太嘈，三五知己可以坐低傾到計。要左個特上壽司盛，有12件，$398。件鰻魚超震撼，勁長勁大隻！三文魚籽都好新鮮，晶瑩剔透，睇相都知好好味。呢碟打卡靚之外，都好新鮮。另外要左個石鍋北海道十勝豚肉溫泉蛋丼 $158。豚肉唔會鞋身，邊位仲燒到有d脆，加埋醬汁甜甜地好好味，另外我好鐘意石鍋keep到食物d溫度！