影片
更多
2023-03-05
173 瀏覽
有朋友係外國返黎，緊係要三五成群咁約出嚟食飯，揀餐廳我一向free rideヾ(¯∇￣๑)朋友就話想試吓依間新開嘅餐廳，就book咗黎試吓（要打電話book）。位置係郎豪坊以前double park個個位，所以都幾大間。可能係閒日關係當日去到餐廳等都唔洗等就入得，全晚1/3枱係吉嘅～餐廳由入門口到內部都好光猛，而裝修都好配合到camp嘅原則，所有擺設都好精緻，好啱打卡٩(˃̶͈̀௰˂̶͈́)و其實睇餐牌就真係樣樣都好吸引，但因為第一次食唔知個份量大細，所以都唔敢一黎就嗌咁多。而我哋當日五條友就嗌左3個main、1個小食、3杯野飲同1個甜品（小鳥胃⋯⋯⋯⋯）第一道上嘅菜係「黑松露薯條」：薯條本來就打不死，夠熱夠脆，但黑松露就淨係得個醬有～唔似有啲餐廳會有埋啲黑松露油係薯條上面，所以整體就普通啦～第二道就係「豆腐柚子櫻花麵」：本身聽個名都知係試伏，點知！！！真係伏伏地～個麵就冷麵黎嘅，個冷麵汁就係咸咸地又酸酸地咁，係開胃嘅，但食落就麻麻哋吸引，而個豆腐就只係剪咗嘅豆腐，好彩大家一齊share，自己一個真係唔會食得哂(°_°)第三道就係「茴香肉腸蘑菇薄餅」：Pizza係薄底個款，整體冇乜太大驚喜，味道唔
位置係郎豪坊以前double park個個位，所以都幾大間。可能係閒日關係當日去到餐廳等都唔洗等就入得，全晚1/3枱係吉嘅～餐廳由入門口到內部都好光猛，而裝修都好配合到camp嘅原則，所有擺設都好精緻，好啱打卡٩(˃̶͈̀௰˂̶͈́)و
其實睇餐牌就真係樣樣都好吸引，但因為第一次食唔知個份量大細，所以都唔敢一黎就嗌咁多。而我哋當日五條友就嗌左3個main、1個小食、3杯野飲同1個甜品（小鳥胃⋯⋯⋯⋯）
第一道上嘅菜係「黑松露薯條」：
薯條本來就打不死，夠熱夠脆，但黑松露就淨係得個醬有～唔似有啲餐廳會有埋啲黑松露油係薯條上面，所以整體就普通啦～
第二道就係「豆腐柚子櫻花麵」：
本身聽個名都知係試伏，點知！！！真係伏伏地～個麵就冷麵黎嘅，個冷麵汁就係咸咸地又酸酸地咁，係開胃嘅，但食落就麻麻哋吸引，而個豆腐就只係剪咗嘅豆腐，好彩大家一齊share，自己一個真係唔會食得哂(°_°)
第三道就係「茴香肉腸蘑菇薄餅」：
Pizza係薄底個款，整體冇乜太大驚喜，味道唔會太濃，並冇勁重茴香味，正常人都啱食。
第四道就係「鑄鐵鍋煄燻黃油雞飯」：
好似話招牌嚟⋯⋯但我就真係覺得勁普通⋯⋯雞就好似平時去飲個啲豉油雞嘅味，唔覺得好有黃油味，個飯就係茄汁炒飯，成件事唔難食，但你唔會expect 係用依個價食依個味，而且份量偏小。
最後就係用嚟打卡嘅「營火朱古力棉花糖夾餅」：
當晚見到差唔多枱枱都有嗌嚟打卡，味道唔洗講，因為只係棉花糖+朱古力醬+餅乾（餅乾仲要係嘉頓雜餅椰絲味嗰款) 但用黎打卡成班人開心下係唔錯嘅。
我地仲嗌咗三杯嘢飲，埋單$958。
總結我就覺得成間鋪嘅性價比唔算高，野食味道就普普通通，如果想食好嘢就唔使嚟喇，但就適合一班人過嚟打卡吹吓水，因為舖頭啲裝修係幾靚嘅。
張貼
