海港薈 (康怡廣場北座) (裝修中)

星期日同波友打完羽毛球,去左康怡廣場嘅海港薈飲茶。酒樓地方相當大,可能價錢吾算太貴同點心選擇多,都好受食客歡迎,等左十幾分鐘先有位。竹炭甜薄罉薄罉軟糯,餡料吾算太甜,有椰香味。海港炸两腸同叉燒腸都吾錯,腸粉幾滑,而炸两新鮮香脆。櫻花蝦煎薄罉都好香蔥味,櫻花蝦都吾少。原籠合桃馬拉糕熱辣辣,鬆軟吾太甜。整體來說,價錢合理,食物質素中上,可以再次光顧的。