三一餃子 (通菜街)

營業中

休息中

前排睇MM留意到呢間餃子店，原來佢哋嘅旺角分店空間感十足，仲會向每位年滿十八歲嘅客人贈送一杯清酒。最吸引眼球嘅流芝餃雖然已經下架，但仍有煎餃、水餃、湯餃、餃子烏冬、特餃等眾多選擇呢。𖦹 關東煮 $38昆布湯底偏清淡，有獅子狗、蘿蔔、魚蛋、溫泉蛋等配料，每款都有兩件。𖦹 為酒而炸雞軟骨串 $33香脆惹味，呢個價一共有四串雞軟骨，非常抵食。𖦹 醉炸雞翼＄38將醉雞拎去炸，啖啖都有酒香。𖦹 湯餃：黑白松露豬肉餃 & 韮菜蝦皮豬肉水餃 $48豆漿蝦湯嘅豆乳味幾突出，一定要嗌黑白松露豬肉餃！松露味香濃而且肉汁滿滿；韮菜蝦皮則相較普通，加入蝦皮口感爽脆。𖦹 特餃：餃子大阪燒 招牌餃子貳號 $58將招牌餃子加埋大阪燒嘅醬料、紫菜、木魚絲等，再煎至冰花薄脆，充滿和風嘅味道。𖦹 鮮榨生貯藏酒 $78餐廳送嘅清酒，酒香比較濃，配餃子食幾得意。𖦹 二段酵母仕込 $78呢款清酒味道清甜，非常容易入口。