漢年茶餐廳

營業中

休息中

一直都聽講過大圍有一間鹽焗雞飯，好好味，但都冇乜機會，今日過去大圍探朋友終於有機會一試呢間鹽焗雞飯。我係叫外賣嘅去朋友屋企食，入到去叫外賣基本上每一台都係食鹽焗雞飯，原來白飯可以轉炒低，所以緊係轉啦。外賣返去盒飯都仲係暖暖哋嘅，雞嘅份量還可以，我鍾意重口味，所以加咗沙薑汁，味道更濃更重味。講返隻雞嘅味道，我覺得確實唔錯，鹽焗雞嘅味道好出色，無論雞皮或者雞肉都食得出，啲肉唔算好冧。炒飯底就偏腍，唔算粒粒分明，但味道都唔錯，飯嘅份量好大盒，對女士嚟講就好飽。總括嚟講，如果大家喺附近嘅話，呢間嘅鹽焗雞飯都值得一試