秋香 (黃金海岸商場) (已結業)

08.04.2021呢一晚又約朋友来幫襯秋香（黃金）食好西，自從上次情人節食過，就念念不忘佢嘅燒白鱔煲仔飯，終於呢晚可以好好再品嚐，鮮甜白鱔加熱辣辣嘅煲仔飯，真係無得輸，難怪個個推介，所以book枱時職員問使唔使留，記得留呀，因為限量供應。今次另外再試埋鯖魚塩燒、白酒忌廉煮蕃薯蜆、螢光魷魚沖漬同炸雞軟骨，真係好滿足。鯖魚肉質比較實而鮮美，而且有兩條，朋友話平時好貴，呢個價錢其他食肆只有半條至一條，好抵食。白酒忌廉煮蕃薯蜆係一位看來經驗豐富、而且招呼周到有禮的較年長嘅店長（定老闆？）介紹我哋食，真係要趁熱辣辣食，忌廉非常香濃，果然好介紹！另外，螢光魷魚沖漬同炸雞軟骨比較適合送酒，尤其魷魚醃製過較咸。還要讚下店員，最初我打電話訂座，未開門未有人接聽，之後竟然有職員憑來電回覆我，非常盡責。今次來晚飯我哋無論服務、食物、環境舒適度都好滿意，所以會推介其他朋友來，而且期待下次再品嚐美食。