串串燒 by Season (已結業)

星期四開始6點後都無得堂食，所以我今日把握機會要食！夠！佢！🤓今日去左食一間係地庫既串燒店，超級日本風格，感覺好似去左日本🇯🇵。因為勁肚餓既關係，而且好多野想食，所以叫左好多野食！有生蠔、胡麻醬豆腐沙律🥗、鹿兒島一口豚、燒自家製滷水大腸、燒火雞腎、燒雞心、燒牛柳、燒頂級牛小排串、麻辣牛舌、蒜蓉韓國蜆、蒜蓉娃娃菜、燒日本秋葵、燒芝士翠玉瓜、孜然蒜蓉茄子、燒多春魚、燒魷魚🦑、燒鰻魚、柚子醬比目魚同埋一枝上善如水純米吟釀💁🏿‍♂️，無錯呢道係第一回合點既野食🙈🙈🙈第二回合首先番啅左芝士翠玉瓜、燒雞心同埋蒜蓉韓國蜆，仲叫左燒韭菜、燒羊架同埋再叫多一支上善如水純米吟釀。呢一間串燒店佢整既蒜蓉真係超級好味超級正，鍾意食蒜蓉嘅朋友唔可以錯過。老闆話係廚師既特別煮法，會將個蒜煮成幾多成熟，然後再炸。而且佢燒出來既串燒全部都好好食，好惹味，蔬菜🥬勁鮮甜一啲都唔乾身，肉類亦都非常出色。🍡🍢好耐都未試過食到一間咁好味既串燒店👍🏿👍🏿👍🏿👍🏿👍🏿一定會再來食過👍🏿👍🏿