海圖

營業中

休息中

下午臨時要帶住狗狗去雞地搵個地方坐下，行過heato 見環境唔錯，咁啱有戶外位，問左餐廳原來係pet friendly嘅cafe，我就決定坐低！點知我自己好論盡，唔小心倒晒狗仔啲糧喺餐廳門口，有女仔侍應好好，即刻過嚟幫我，仲問我狗狗會唔會冇嘢食，跟住我諗住叫啲嘢食比狗狗，但係咁啱餐牌又冇乜啱寵物食，佢知道狗仔可以食烚雞蛋，即刻請咗狗狗食！❤️ 佢哋仲有專門比狗狗飲水嘅兜，真係幫咗好大忙！好感動！呢一刻，我已經決定會常來看幫襯！我自己叫咗個雞胸肉水波蛋多士，同oat milk latte！開頭我以為輕食只會得一件多士，點知嚟到原來又有薯角，又有沙律！睇落好有食慾！味道都有水準，有心機煮！雞胸肉都唔會太乾，水波蛋嗰sauce整得好！薯角熱辣辣又脆，好食！杯latte都好啱我口味！(枱上邊嗰隻烚蛋🥚，就係個女仔職員請狗狗食)最重要係，我坐咗差唔多個幾鐘，估唔到冇人會趕你走！咁啱今日天氣又好好，真係可以好relax咁坐喺度坐埋杯嘢咖啡！👍🏻👍🏻佢哋員工嘅態度同Cafe嘅食物質素，都會令我在想去多次！