影片
更多
2021-11-18
3892 瀏覽
睇到網上短片介紹呢間餐廳, 當中有提及到我愛吃的荔茸香酥鴨同🦀蟹蓋, 話質素唔錯, 至此就成為左我既口袋名單一陣子, 原本唸好左趁住今日星期五放假同老公休閒咁黎食個晚飯, 打📱去訂位既時候, 店員話整個11月星期五, 六, 日既晚飯時間都已經無位, 再三強調想食小菜晏晝☀️都可以食到。就係咁, 我地就BOOK左今日LUNCH TIME黎食。粵軒給人一種香港老飯店的感覺, 不過裝修絕不殘舊, 反而是非常舒適優雅, 座位寬敞, 枱與枱之間距離闊落。我地點左荔茸香酥鴨, 釀焗蟹蓋同陳村粉焗龍蝦🦞煲。荔茸香酥鴨 - 炸得乾身唔油膩, 外層酥脆, 入口粉糯的芋茸舖在鴨件上, 鴨肉是一整件的, 不是鴨肉碎。$210食到食材新鮮足料, 廚師👨🍳功夫扎實的手工菜色, 個人覺得價錢合理。釀焗蟹蓋 - $120一隻, 不便宜, 但值得一試, 焗得金黃香脆的芝士🧀滿滿的舖在手拆蟹肉上, 真係每一啖都有好多蟹肉, 好多時出去餐廳食焗蟹蓋, 餐廳為左減低成本, 只係食到少少蟹肉碎, 似係食焗芝士多D。而粵軒呢個完全唔一樣, 唔只多蟹肉, 蟹肉仲要係一塊塊而唔係一絲絲, 口感更好。陳村粉焗龍蝦煲 - 除了龍蝦同陳
粵軒給人一種香港老飯店的感覺, 不過裝修絕不殘舊, 反而是非常舒適優雅, 座位寬敞, 枱與枱之間距離闊落。
我地點左荔茸香酥鴨, 釀焗蟹蓋同陳村粉焗龍蝦🦞煲。
荔茸香酥鴨 - 炸得乾身唔油膩, 外層酥脆, 入口粉糯的芋茸舖在鴨件上, 鴨肉是一整件的, 不是鴨肉碎。$210食到食材新鮮足料, 廚師👨🍳功夫扎實的手工菜色, 個人覺得價錢合理。
釀焗蟹蓋 - $120一隻, 不便宜, 但值得一試, 焗得金黃香脆的芝士🧀滿滿的舖在手拆蟹肉上, 真係每一啖都有好多蟹肉, 好多時出去餐廳食焗蟹蓋, 餐廳為左減低成本, 只係食到少少蟹肉碎, 似係食焗芝士多D。而粵軒呢個完全唔一樣, 唔只多蟹肉, 蟹肉仲要係一塊塊而唔係一絲絲, 口感更好。
陳村粉焗龍蝦煲 - 除了龍蝦同陳村粉, 仲有青豆, 茄子🍆, 紅黃椒, 所有食材都均勻的沾上惹味十足的麵豉醬。 火喉拿捏準繩, 龍蝦煮到剛剛熟, 肉質扎實彈牙, 亦因為用煲上的關係, 陳村粉也能做到飯焦的效果。唯一覺得疑惑既係, 我本身好鍾食陳村粉, 喜歡它比河粉薄身而滑溜的口感, 但粵軒既做法係將好多條陳村粉痴埋一齊同切成好多舊類似長方形正方形既形狀去整呢個龍蝦煲, 點解要咁做呢, 我覺得這樣處理陳村粉會埋沒左佢地本身既優點。
唔係因為睇左短片既介紹, 真係唔知道呢間外表唔起眼, 大堂裝修簡約樸實的六國酒店會有一間質素甚好的中菜館, 無論對環境, 食材, 服務, 廚藝, 份量, 價錢💰也感到滿意, 值得推介。
張貼
