City Dancer Grill & Live Music Bar

營業中

休息中

今日同朋友食飯就嚟到呢間環境超靚既餐廳，餐廳係大廈嘅最高層，一上到去就見到好靚嘅大玻璃，出邊就係山景。自家腌製洋蔥西班牙火煺田園青瓜沙律沙律菜新鮮，配上自家醃製嘅洋蔥，酸酸甜甜咁，作為前菜真係唔錯。精選餐湯 (椰菜花粟米忌廉湯)忌廉湯濃稠度適中，佢唔會太膩，既溫暖又滿足。慢煮紅酒牛面肉、薯蓉、甘筍、粟米仔Slow cook 咗既牛面肉，不單止好入味，仲要年入邊嘅筋都整到好淋，有種入口溶化嘅感覺。仲配咗軟滑嘅薯蓉，甘筍同埋粟米仔。蟹肉三文魚子韭黃蘑菇伊麵龍蝦汁呢款主菜比較特別，佢用咗伊麵，但係又幾有驚喜。因為佢係用龍蝦汁去煮，而伊麵特別掛汁同埋同龍蝦汁好配合。同埋佢既蟹肉份量都唔少，加上滿滿嘅龍蝦汁，鮮味十足。咖啡/茶Set Lunch 甜品佢今日set lunch 有3款mini 蛋糕，佢present 得幾有心思，味道就正正常常。焦糖蘋果蛋糕蛋糕焦糖味幾重，配上煮淋咗嘅蘋果，又幾特別，鍾意蘋果甜品嘅朋友可以一試。