瘋糖

營業中

休息中

有時食完晚飯口痕痕又好似未夠滿足既時候 最適宜食既就係糖水 而且又會令自己開心呢一間門面裝修得好靚 有一種魔力會吸引到你入黎 而且門口都有啲外賣甜品吸引你食甜食鋪入面環境清新舒服 吸引你入去打卡🥭 瘋芒河粉店鋪既招牌 芒果控表示呢個甜品真係好好味 芒果係新鮮芒果甜甜酸酸 完全唔係糖水浸過既假甜味 而且最吸引我既係佢啲QQ白色河粉 其實佢係啫喱製成又煙韌既口感 味道好正 再加西米做襯托 食上黎心心眼🍯榴蓮海底椰真係新鮮既海底椰 加上榴蓮絲同埋店鋪配製既醬汁 新鮮健康好好味 仲有佢啲榴蓮絲真係好重味道 完全冇雪味應該係新鮮製 所以都相當吸引整體黎講 價錢雖然少貴但足料新鮮程度好令人回頭再食最後想分享小知識：食甜野點解會令到人開心？當我地攝取甜食既時候，血糖上升引發胰島素反應，其中一種叫芳香族胺基酸會更容易入腦部，會同血清素合成，令到我地開心、幸福既感覺。