韓台站

營業中

休息中

新開幕一星期左右。見成日門口有食客等位。今日試試食午餐。點咗雞扒米線跟凍檸茶。雞扒有強烈雞騷味。明顯未加葱薑飛水闢味。米線份量太少。十吓以內夾曬入口。凍檸茶仲得人驚。有茶澀味無檸味。再試吓大力篤片檸檬。完全係濃茶化不開。傳菜阿姐仲驚人。飛象過河傳菜過隔離枱。衫腳high到我碟餸！仲要大大聲同啲同事講嘢。口水花飛落我碗米線度。現在已經係夜深。我諗番起今日餐午餐。仲有啲想嘔嘅感覺。韓不韓。台不台。毫無特色嘅茶記一間。最簡單嘅一杯凍檸茶都沖唔掂。