火鍋撚 (雲明行) (已結業)

🥢火鍋撚 🔍中環雲咸街46-48號雲明行3樓-----外國人舊同事約飯聚，指定要黎呢間充滿Chinese獨有風情嘅兵馬俑主題嘅火鍋店打卡，加上之前話埋佢知，”撚“字喺廣東話嘅特別意思，就更係令佢興致勃勃，躍躍想試。.#湯底如果唔食得辣嘅話，呢一款就係我最推介嘅湯底，作為一個超愛食辣嘅人，好少覺得冇辣嘅湯底可以同麻辣比拼，但呢到嘅白湯就真係唔輸麻辣。雞湯混豬骨湯嘅組合，濃郁清湯，而且滑嫩鴨血同索汁蜂巢豆腐係任食，唔洗就住食，好爽。#至尊水餃皇#新鮮白鱔片#順德魚腐#鮮甜桂花蚌#極品黑豚肉.火鍋料整體質素上乘，水餃皇🥟餡料豐盛，皮薄非常，粒粒蝦肉令水餃質感爽彈，半肥瘦豬肉亦令內餡更添油潤。極品黑豚肉肥瘦均勻，雖不是和牛，卻有類似嘅雪花紋理，爽滑脂香，全部都有。低脂高蛋白嘅桂花蚌亦高質，雪白紋理中啖啖散發鮮甜氣息。中意即食唔洽嘅話，順德魚腐就會啱你心水，外酥內軟，魚香濃濃，配搭自家調配甜酸，一口接一口停不下來，雖然佢地可以比客人自選大細碟，但仍建議直接叫大碟嘅。食到熱辣辣之際，再嚟一啖附送嘅腐竹糖水沙冰，消暑解膩，而且承載於古色古香嘅爵杯當中，更添玩味。