丸作食茶 (禮頓道)

營業中

休息中

同媽媽拍拖行街，睇到呢間珍珠奶茶店就入咗去試，呢間珍珠奶茶店行嘅應該係台灣風格，因為店鋪另有好寬敞嘅位置可以畀顧客排隊等候， 最特別係佢呢度嘅珍珠全部都係人手每一日即製，仲有一部專門製珍珠嘅機放咗喺店舖裏面， 十分有誠意。睇一睇menu原來都幾多款選擇 ，正當我同媽媽15 16嘅時候，店員就好熱情咁同我哋推介咗佢哋嘅黑糖系列。我哋分別叫咗黑糖紅茶拿鐵同黑糖珍珠奶蓋奶茶。我叫嘅係黑糖紅茶拿鐵， 要咗半糖少冰，本人比較貪心，佢本身係黑糖珍珠我就加錢加咗可可珍珠一次過試曬佢兩種珍珠嘅味道。 佢同出面嘅珍珠比可能因為自家製珍珠，可以直接將味道係製做珍珠嘅時候已經加入粉團裏面所以同出面後期加黑糖淆製嘅珍珠口感，完全唔同味道更加出色。媽媽叫嘅係黑糖奶蓋珍珠奶茶，奶味比較重， 要咗微糖少冰，可能因為奶蓋本身都有甜度，所以即使係微糖味道都剛剛好，建議不喜歡吃太甜的人都可以試下微糖同半糖。 我的母親大人十分喜愛珍珠奶茶，都試咗好多唔同珍珠奶茶店舖，當佢試呢間嘅時候一再稱讚， 仲不斷講下次要再encore，由此可見呢間舖頭真係好出色。