Dear Neighbor

營業中

休息中

是日去保德街搵食，去到餐廳門口有個彪形大漢企喺門口，有啲奇怪。當我想入去時就知道原來係餐廳嘅人，可能係其他食評所講嘅老闆。佢熱情咁介紹餐廳嘅野食，其實食物選擇唔多，佢目的係想推介special drinks。佢嘅熱情令我嘅回憶返晒嚟，原來我以前係嚟過嘅。佢推介咗幾杯野飲，第一杯係Hojicha latte加朱古力，本人麻麻地太勁嘅焙茶味，加朱古力或可一試，於是又give it a try。結果一路飲覺得有啲唔對路，愈飲愈發現底啲朱古力未溶，但佢又冇俾匙羮我。開頭飲係覺得少少焙茶味又少少朱古力味唔錯嘅，但後來愈飲愈甜就唔掂了。埋單時老闆問覺得點，我如實講完佢先發現原來係唔記俾羹。個All day breakfast 就正正常常啦，都好食嘅，但冇咩亮點。整體會覺得偏貴，一次半次還可以。