影片
更多
2017-04-12
128 瀏覽
朋友去旅行，有手信俾我。所以我哋去咗APM食飯。因為見到依間餐廳好多人排隊，所以我地就試試。未坐低之前，侍應拎左每人一杯配菜放係枱。Menu好少野揀，我叫左錦麗綜合粉，有齊晒咁多種餸，朋友叫熟牛肉粉。我地仲叫咗一份炸手作蝦餅分享等侍應落單，等左好耐。佢地好忙，但係佢地態度正常，上菜的時候，好細心咁提我地小心熱。先講下餐廳嘅環境。依間鋪頭開張之前我哋都經過過，嗰陣時覺得鋪頭嘅裝修好有格調，好有回到過去嘅感覺。但係今日去到嘅時候因為好多人，所以覺得環境普通。講返嘢食，湯底非常濃郁，唔係味精湯底，冇口乾！個粉係完全無味嘅，所以個湯底好重要。生牛肉比較韌，可能因為我放得太耐先食。生牛肉一啲肥都冇。薄片，份量都幾多，但生牛肉冇咩味道。熟牛肉切成長方型，有少少肥嘅地方，比較難咬開。但肉味幾好，佢冇用好多調味料去調味，所以食到牛肉本身的味。至於個牛丸，我覺得係成碗粉之中最出色的。首先質地好爽口。其次佢嘅牛丸一食落口就有牛肉嘅味道。唔似粉團，似係肉。粉係一般河粉嘅質地，冇乜特別，但係佢煮的時間剛好，食到最後都唔會似粉醬。分量唔會太大份，一個女仔食啱啱好。蝦餅-我就覺得差咗少少。首先我覺得佢太油淋淋。其
未坐低之前，侍應拎左每人一杯配菜放係枱。
Menu好少野揀，我叫左錦麗綜合粉，有齊晒咁多種餸，朋友叫熟牛肉粉。我地仲叫咗一份炸手作蝦餅分享
等侍應落單，等左好耐。佢地好忙，但係佢地態度正常，上菜的時候，好細心咁提我地小心熱。先講下餐廳嘅環境。依間鋪頭開張之前我哋都經過過，嗰陣時覺得鋪頭嘅裝修好有格調，好有回到過去嘅感覺。但係今日去到嘅時候因為好多人，所以覺得環境普通。
講返嘢食，湯底非常濃郁，唔係味精湯底，冇口乾！個粉係完全無味嘅，所以個湯底好重要。生牛肉比較韌，可能因為我放得太耐先食。生牛肉一啲肥都冇。薄片，份量都幾多，但生牛肉冇咩味道。
熟牛肉切成長方型，有少少肥嘅地方，比較難咬開。但肉味幾好，佢冇用好多調味料去調味，所以食到牛肉本身的味。
至於個牛丸，我覺得係成碗粉之中最出色的。首先質地好爽口。其次佢嘅牛丸一食落口就有牛肉嘅味道。唔似粉團，似係肉。
粉係一般河粉嘅質地，冇乜特別，但係佢煮的時間剛好，食到最後都唔會似粉醬。分量唔會太大份，一個女仔食啱啱好。
蝦餅-我就覺得差咗少少。首先我覺得佢太油淋淋。其次蝦餅來說，佢仲未夠彈牙。另外，因為佢叫做炸蝦餅，所以我諗住佢會脆，但佢係完全唔脆的。我見好多人都有叫蝦餅嚟食，所以諗住試吓但係我就覺得比較一般。
雖然人龍好長但係排隊等候嘅時間唔係咁耐，因為侍應安排座位安排得好好。間鋪頭唔會有空嘅位置，亦都即係話你會要同其他人搭枱。我認為依間餐廳比較適合一至兩個人簡單晚餐。
張貼
