龍悅 (禾輋廣場) (已結業)

老友移民加拿大多年，近日回港探親，於是約埋大班朋友聚一聚。見到個套餐都吾算太貴，就點呢個。上湯波士頓龍蝦吾錯，紅薯粉底代替伊麵冇咁肥膩，好爽口。龍裙乳豬聚寶盆，多款燒味拼在一起，海蜇辣辣哋，吾錯。雀巢帶子海中寶，有帶子、蝦仁、魷魚、彩椒、西芹同腰果。顏色鮮豔，腰果再酥脆d，會更加好味。沙律海鮮卷，新鮮炸起，熱辣辣。紅燒白玉雞絲翅，味道比較咸。清蒸沙巴大龍躉蒸耐左，肉質有d鞋口。玉環百花釀原隻鮑魚，鮑魚有d韌節瓜環是稔的。中間個碟係蝦片脆皮雲英雞，蝦片稔左吾脆，雲英雞皮香脆。飄香荷葉飯，太稔有d似糊狀。套餐份量都算大，整體質素一般。