影片
更多
2019-06-04
710 瀏覽
已經很久沒有和另一半嚟一個fine dining， 為咗慶祝升職加薪， 就選擇咗一間我倆都至愛嘅意法私房菜來祝賀一下。 餐廳原址喺尖沙咀金馬倫道， 後來搬遷到尖沙咀廣東道，地點更為方便。 新餐廳嘅裝修更加別具風格， 特別被掛在牆上的特大烹飪工具所吸引。 餐廳環境浪漫優雅， 非常適合兩口子或者同閨蜜、朋友一齊嚟享受美食。呢間餐廳提供咗 tasting menu， 有八個course或者九個course選擇， 菜式定時更新， 保證不時不食， 張最新鮮和美味的食材呈獻畀客人。先嚟Homemade Bread and Dip， 簡單嘅自家製麵包熱辣辣， 哄得金香鬆脆， 鹹香嘅牛油和麵包簡直係絕配。Appetizer 送上咗Salumi platter， 係意大利傳統嘅乾燥醃製豬肉， 現鮮紅色， 脂肪同瘦肉分佈平均，口感柔軟，入口鹹香，帶有蜜味，微微嘅香甜喺口裏面徘徊，久久不散。粉紅色為Mortadella 意式火腿， 係用最纖瘦嘅豬肩膊肉來製成， 並加入咗唔同嘅香料來調味，質感滑溜細緻。Prosciutto de Parma 係意大利最出名的parma ham，味道帶鹹，回甘大足，味道極具層次
呢間餐廳提供咗 tasting menu， 有八個course或者九個course選擇， 菜式定時更新， 保證不時不食， 張最新鮮和美味的食材呈獻畀客人。
先嚟Homemade Bread and Dip， 簡單嘅自家製麵包熱辣辣， 哄得金香鬆脆， 鹹香嘅牛油和麵包簡直係絕配。
Appetizer 送上咗Salumi platter， 係意大利傳統嘅乾燥醃製豬肉， 現鮮紅色， 脂肪同瘦肉分佈平均，口感柔軟，入口鹹香，帶有蜜味，微微嘅香甜喺口裏面徘徊，久久不散。
粉紅色為Mortadella 意式火腿， 係用最纖瘦嘅豬肩膊肉來製成， 並加入咗唔同嘅香料來調味，質感滑溜細緻。
Prosciutto de Parma 係意大利最出名的parma ham，味道帶鹹，回甘大足，味道極具層次。
Amuse Bouche 法文指「給嘴巴的娛樂」。 精緻嘅餐前小點可以令廚師發揮更多的創意。
呢一杯細細杯嘅係青蘋果蜜瓜凍湯， 平時食parma ham多數都會用原粒嘅哈密瓜配襯， 大廚將蜜瓜同青蘋果打成凍湯， 先食一塊Mortadella 脆片， 品味一下那份鹹香， 再呷一口蜜瓜凍湯， 天然嘅甜味突顯出那份甘香， 絕對令人回味。
Scallop Ceviche， 大廚用接骨花、 欖油等嚟醃製帶子刺身， 帶子鮮嫩甜美， 重點在於側邊嘅飛魚籽藜麥配菜， 係飛魚籽入面再加入多種口感爽脆嘅配料， 包括自家醃製小洋蔥，以及酸豆， 除咗令口感更加爽脆之外，酸酸味味亦令人更加醒胃。
Lobster Bisque， 呢度嘅法式龍蝦湯， 係我飲過之中最令人難忘的。 大碗入面放有意式風乾火腿雲吞， 以及茴香脆片， 加埋幾滴橙紅色嘅龍蝦油， 淨係講賣相已經滿分。 之後會加入熱辣辣暖笠笠嘅龍蝦濃湯， 一入口令人為之一振， 龍蝦嘅香氣極之濃郁， 可謂鮮中帶甜， 龍蝦油可畏功不可沒， 帶出龍蝦湯嘅精髓， 入口順滑細緻， 非常creamy， 而且每一口都係熱辣辣， 實在令人非常暖心。 如此高質素嘅龍蝦湯， 確實技驚四座， 令人非常難忘。
香煎法國鵝肝 Foie Gras 亦係我另一道至愛。 鵝肝煎得焦香不在話下， 表皮煎得金香酥脆，裏面軟心滑溜， 鵝肝的酥香歷久不散， 喺口腔裏面徘徊， 絕對令人回味。
呢一個黑色波波球Truffle Arancini外表平平無奇， 切開後先知道內有乾坤，外層係黑松露墨魚汁餅乾碎， 一切開之後， 陣陣香菌味溢出， 裏面嘅餡料用咗唔同種類嘅菇菌加上Mozzarella Cheese所製成， 加埋黑松露醬， 令菇嘅香氣更為融合。
中間來一個小間場， 給味蕾稍作休息。 番石榴雪芭感覺非常清新， 加上酸酸甜甜嘅紅石榴泡沫， 解去油膩感。 為迎接下一道美味嘅菜式作出準備。
終於來到主菜Australia M7 Wagyu Beef， 炭燒和牛香氣十足， 準確拿捏咗medium嘅熟度。 牛嘅油脂溶化後與牛肉結合， 入口即溶， 牛味滿分。 加上色彩鮮嘅香烤野菜， 同埋令人難以抗拒creamy薯蓉， 令整個菜式生色不少。
最後就嚟 到甜品Orange Meskouta， 一個橙香蛋糕味道清新， 帶有香甜嘅橙香， 配埋熱情果醬， 令酸味多咗一份層次。
最後係總結嘅Petit Four， 原來係五款唔同口味嘅朱古力， 擺盤賣相相當精緻，嚴如五星級酒店的出品。 朱古力嘅口味迎合港人口味， 唔會太甜， 我最鍾意玫瑰士多啤梨味朱古力， 喺士多啤梨嘅香甜入面滲出咗玫瑰嘅清幽香氣。
美味嘅菜式令人心滿意足， 大廚成功地將各樣食材嘅精髓引導出來， 拼湊成呢個令人難忘嘅tasting menu。 實在值得一試。
張貼
