影片
更多
2017-05-21
266 瀏覽
※本文以用餐當日的環境、服務和食物質素為準，口味亦因人而異，文章只作參考之用。 -天水圍元朗區既糖水店唔算少，但會翻啅既真係一隻手都數得晒。之前「一糖」係天水圍新開張時，見到有不少人都慕名而去，見到佢地出品既甜品款式都幾吸引，可惜評價好壞半半，可能新開人多，所以最多人投訴既係甜品上得慢，小妹為有再等多排先去。相隔兩三個月人流已經有消散跡象吧？！見放工仲有日光，就拉左老公去試下！據說一糖既門面好型，當然要揀有日光既時候影下相。從西鐵天水圍出口過對面小馬路，已經見到欄杆上插晒紅色旗幟教你點行，認真細心！沿路會經過寵物酒店，路程約五分鐘，算易行。完全估唔到係一個人流疏落既露天停車場裡，會有一間裝修得幾靚既糖水店。說真的如果唔係靠網上平台既介紹，真係會走漏眼。糖水甜側邊既水泥牆上有一幅名為「大魚壁畫」既塗鴉，好型格，影相一流，令人印象深刻。店內環境不大，簡單的水泥牆裝潢，右邊係出餐的地方，只有幾張桌椅，仲有幾個室外坐位。如果渣車黎，仲可以泊架車係外面，十分方便。甜品種類選擇頗多，餐牌上大多都圖文並茂；中/西式糖水、心太軟、窩夫、芝士撻、奶昔、沙冰，仲有近來新出既「沖繩紫薯」系列，連張廣告海報都
-
天水圍元朗區既糖水店唔算少，但會翻啅既真係一隻手都數得晒。之前「一糖」係天水圍新開張時，見到有不少人都慕名而去，見到佢地出品既甜品款式都幾吸引，可惜評價好壞半半，可能新開人多，所以最多人投訴既係甜品上得慢，小妹為有再等多排先去。
相隔兩三個月人流已經有消散跡象吧？！見放工仲有日光，就拉左老公去試下！據說一糖既門面好型，當然要揀有日光既時候影下相。從西鐵天水圍出口過對面小馬路，已經見到欄杆上插晒紅色旗幟教你點行，認真細心！沿路會經過寵物酒店，路程約五分鐘，算易行。
完全估唔到係一個人流疏落既露天停車場裡，會有一間裝修得幾靚既糖水店。說真的如果唔係靠網上平台既介紹，真係會走漏眼。
糖水甜側邊既水泥牆上有一幅名為「大魚壁畫」既塗鴉，好型格，影相一流，令人印象深刻。
店內環境不大，簡單的水泥牆裝潢，右邊係出餐的地方，只有幾張桌椅，仲有幾個室外坐位。如果渣車黎，仲可以泊架車係外面，十分方便。
甜品種類選擇頗多，餐牌上大多都圖文並茂；中/西式糖水、心太軟、窩夫、芝士撻、奶昔、沙冰，仲有近來新出既「沖繩紫薯」系列，連張廣告海報都整得好靚！
棉花糖紫薯
$32
19 瀏覽
0 讚好
0 留言
棉花糖紫薯 $32
既然新出左紫薯系列，梗係要叫返一款黎試下。甜品份量不算大，一個人食晒無難道！棉花糖上灑了紫色紫薯粉，美觀度加分！（可按喜好添加朱古力醬）撩開棉花糖後，底下係啖啖紫薯肉，雖然有點乾但味道都唔錯，配搭上都有驚喜。
鮮雜果流心芝士撻配紅棗茶定食
$46
12 瀏覽
0 讚好
0 留言
鮮雜果流心芝士撻配紅棗茶定食 $46
估唔到呢度都有芝士撻食，仲配搭了鮮雜果同飲品，價錢都係$46 很相宜。
一份定食已包括兩個迷你芝士撻，可以同朋友一人一個唔使爭。撻皮咬落鬆化，芝士撻咬落是有流心的，芝味是有但不算很濃，整體黎講我倆都覺得唔錯。
相信紅棗茶是用紅棗醬開的，味道濃得來又不過甜，看到杯底的沈澱物，記得先拌勻再飲味道會更好。
算得上係心太軟控既小妹，一糖竟然有供應多款不同味道的心太軟，除左較普及的朱古力同抹茶，仲有未曾見過既黑芝麻、榴槤同Bailey味，最終揀左個反傳統既榴槤口味挑戰下！
榴槤心太軟
$58
23 瀏覽
0 讚好
0 留言
榴槤心太軟 $58
賣相擺盤精緻，仲配左一球草莓雪糕同雜果。
心太軟切開後流心澎湃，榴槤味聞落頗重，但食落就一般，硬係覺得榴槤流心既味道不夠天然。早知食返抹茶或朱古力味比較穩陣，不過就幾鍾意旁邊既一堆雜果，可以減低甜膩感。
Oreo 士多啤梨奶昔
$35
13 瀏覽
0 讚好
0 留言
Oreo 士多啤梨奶昔 $35
男人仲叫左杯奶昔，很大一杯，上面仲吱左一層厚忌廉，很邪惡啊！飲落士多啤梨味道較明顯，唔太飲得出OREO既味道，但係就食到粒粒OREO碎，整體較一般。
張貼
