牛大人台灣火鍋吃到飽 (瓊華中心) (已搬遷) 新店位置

🔍牛大人台灣火鍋吃到飽 📍旺角彌敦道628號瓊華中心9樓-----趁着天氣仲涼涼地，就食返個天氣涼特別適合嘅打邊爐。牛大人嘅呢間分店係第一次嚟，個場長長方方幾寬敞舒服。旺角雖然有兩間分店，但由於人氣高企，依然都係要等一陣位。客人可以QR code落單，亦都有自助區可以自己攞嘢食，除咗各式肉類之外，海鮮、特色丸類及台灣直送配料都係佢嘅主打。湯底揀選咗剝皮辣椒雞鍋，微微椒香嘅辣味頗令人上癮，雞肉亦嫩口，整體味道幾有特色。中意食牛肉嘅話可以一戰極上和牛吃到飽套餐，爆汁嘅澳州和牛牛丸得呢個餐先食到。而個人好中意嘅西班牙豬梅肉片就唔需要最貴嘅套餐都已經食到。🥢食材方面，極力推介佢地嘅海鮮，爽口鮮甜嘅海蝦及嫩口嘅台灣鯛魚片，仲有飽滿無沙嘅新鮮沙白。🥢其他高質嘅食材有嫩滑私房鴨血、彈牙美人花膠、特色紫芋卷、粉綿中帶點彈牙嘅芋頭貢丸、足料瓜仔雞水餃、惹味香辣手工川丸子等等，香港火鍋店少見嘅花生麻吉燒同芝麻麻吉燒亦好得意，洽完之後外皮富韌性，鹹鹹甜甜好有趣。🥢等待期間，可以試試一上桌就可以食嘅真豬小香腸，香香甜甜幾惹味，好多肉鬆嘅魚香皮蛋豆腐亦不錯。